2 THÂTIHZYRONA 32:1 - Mara Bible RV (BSI)

¹ Cha hawhta ngâchhih ngaitapa ta ama tao khai tawhta, Asuria bei Senâkeri ta Zudâh vaw siehnao ta. Zudâh cha ano biehneina ry liata so a chhuahpa ta, thokhy khihpizy dôhpa ta riehmozy paryh laih ta.

2 THÂTIHZYRONA 32:1 ပူးပေါင်းရင်းမြစ်များ

2 ABEIZY 15:19

Asuria bei Puli ta Izarei râh za siehnao ta. Menâhe ta â beina pa-i awpa nata bao awpa ta Puli cha tâkâ talent sâh kha pie ta.

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

2 ABEIZY 18:11

Asuria bei ta Izarei mo cha Asuria râh lâ siekhei ta, Hâlâh khih nata Hâbaw chavah kiah liata Kôzani khih nata Mede mo khihpizy liata a paysa ei.

2 ABEIZY 19:19

Chavâta Hy Abeipa eima Khazohpa y, nâma deita he Zehôvâh Khazohpa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

2 THÂTIHZYRONA 32:2

Zerusale a dyuh a chhuahpa ta Senâkeri a vaw siepa Hezekia ta a hmô nahta,

2 THÂTIHZYRONA 35:20

Cha zydua hnôhlâ ta, Zôsia cha Achhyna o a phapa ta a tao khai nahta, Izi bei Nekô ta hrâ kaw sie ta, Ufrâti chavah liata Kâkhemi khihpi kaw tlô ta. Zôsia ta Nekô cha a kei duakhâh ta.

ISAI 10:32

Tanoh tlai he Nôbâ khih liata châh aw ta, Zaio sawchanô tlâh, Zerusale tlâh byuhpa lia tlai ta, A kutô a chalyu aw.

ISAI 36:1

Bei Hezekia kô hrawh hleipalih â bei kô ta, Asuria bei Senâkeri ta Zudâh râh liata thokhy hneipa khihpi zydua khyhnao ta, la khai ha ta.

ISAI 37:37

Chatanachata Asuria bei Senâkeri cha pua ta, Ninivâ khihpi lâ a lie ha ta.

HÔSIA 11:5

Kei lâ ama vaw kua khoh leipa vâta, Izi râh lâ kua heih aw ei ta, Asuria cha ama bei a châ aw.

MIKÂ 2:13

Thokhy a chatôhtuhpa ama hmia lâta sie ta, Chatôh lymâpa ta chhikao tlô ei ta, Chhikao tawhta ama pua. Ama bei cha ama hmia lâta sie ta, Abeipa cha ama luh chô lâta a sie.