2 THÂTIHZYRONA 31:4 - Mara Bible RV (BSI)

⁴ Theihthaipazy nata Livai pathlazy ta Abeipa ryhpa hawhta chakaona rai ama hria thei nawpa ta, theihthaipazy nata Livai pathlazy tovyuh awpa raopazy cha ama hnohta pie lymâ awpa ta, Zerusale liata a pahrâpazy biepie ta.

2 THÂTIHZYRONA 31:4 ပူးပေါင်းရင်းမြစ်များ

2 THÂTIHZYRONA 31:16

Chazy thota, thyutôna alaichadaina liata moh ropa chapaw kô thôh tawhta chô lâ, a py py ta raipa chakaona raizy hria awpa ta Abeipa o chhôh lâ noh chareih ta a ngia tyhpazy chhao ama tovyuh raipa a châ hra.

EZEKIA 44:30

Thei hmiatuapazy hry liata a pha chaipa maih nata nama hmohlâpa to tawhta a pha chaipa maih cha theihthaipazy tovyuh a châ aw. Nama o liata byhnâ a y lymâ thei nawpa ta, viahdie pahlypa pha chaipa cha theihthaipazy hnohta nama pie awpa a châ.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

KALATIA 6:6

Bie pachuna a daopa cha, hmo pha to a hmôpa tawhta a pachutuhpa pie hra mawh sy.

RYHPACHANEINA 18:8

A paw ryu a zuapa tawhta sôh a hmôpa thota, theihthaipazy tovyuh awpazy a to pâ aw.

HEBRAI 7:5

Livai pathlazy hry liata theihthaipa raihria a topa maih cha, ryhpa hawhta chyhsazy tawhta su hrawh su kha la awpa ta biepiepa ama châ. Cha chyhsazy cha Abarahâ pathla ama unawhzy châ ei ta, âmo tawhta su hrawh su kha ama la tyh.