2 THÂTIHZYRONA 30:9 - Mara Bible RV (BSI)

⁹ Abeipa lâ nama kua heih khiahta cha, nama unawhzy nata nama sawzy cha, sei ta a patutuhpazy ta ngiachhie aw ei ta, he râh lâ he amâ vaw lie heih aw. Abeipa nama Khazohpa cha ngiachhiena nata zawngiahna ta a biepa châ ta, ano lâ nama kua heih khiahta cha, châ heihsai aw veih ei,” tah ta.

2 THÂTIHZYRONA 30:9 ပူးပေါင်းရင်းမြစ်များ

1 ABEIZY 8:50

Na chô liata hmo a paraopa na phopi nata na chô liata hmo ama paraopa zydua cha a ngiahthai la, sei ta a chhituhpazy ta ama ngiachhie thei nawpa ta, sei ta a chhituhpazy liata ngiachhiena pahlaosa mah y.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 7:14

ei moh a phaohpa ei phopi ta a panawh ei sala, thlahchhâpa ta ei hmia tlua ei sala, ama yzie moleinazy amâ heihsai khiahta cha, vârâh tawhta vaw nathlie aw na ta, ama moleinazy a ngiahthai aw na ta, ama râh cha ei patlâh heih aw.

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

NEHEMIAH 9:31

Châhrasala na zawngiahna rônah ngaitapa vâta, ama chhâna ngâsâ cha patlôsa leipa chi ta, âmo cha a heihsai va chi. Nâ cha ngiachhiena nata zawngiahna ta a biepa Khazohpa na châ.

HLAZY 106:46

Sei ta âmo a chhituhpazy cha, Âmo a pangiachhiesa ei.

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

BIESOZY 28:13

A moleinazy a phihtuhpa cha vânoh to leipa aw ta, A moleinazy palâhâh ta a siesaipa deikua cha zawngiahna a hmô aw.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ZEREMIAH 18:17

Chariahpa hmiakô liata, Nochhi thlih hawhta ei papai aw ei. Ama vâchhiena noh liata hnohchhy aw ei na ta, Ei hmia pahmôsa khao aw veih ei na.”

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

RYHPACHANEINA 30:1

“Byhnâ nata chhiesana hmo nama hmiakô liata ei sopa zydua he nama chô liata a vaw tlô tita, Abeipa nama Khazohpa ta a cha papaipatlana râh phopizy hry liata nama y nota, he kyh he pachâpasiapa ta,

RYHPACHANEINA 4:31

Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.