2 THÂTIHZYRONA 30:8 - Mara Bible RV (BSI)

⁸ Châ pathlatuhpazy hawhta palôh kuhchhapa ta y leipa u la, Abeipa lâta tlao a ngiarih u la, chhâzaw châta a pathaisapa a supathaihpa liata a ngia u la, Abeipa nama Khazohpa cha chakao muh vy. Chatanachata a hiehâhna ru ngaitapa chata a cha kuasai aw ei.

2 THÂTIHZYRONA 30:8 ပူးပေါင်းရင်းမြစ်များ

2 ABEIZY 23:26

Chatanachôta Abeipa ­ta a hiehâhna ru ngaitapa, Manase ta a pathi a pa-iana zydua vâta Zudâh chô liata a hiehâhna cha papai hlei vei.

1 THÂTIHZYRONA 29:24

Hyutuhpa zydua, pasaipha zydua nata Bei Dâvi sawchapaw hropa zydua chhao ta, Bei Sawlawmaw ryureina ry liata ngâchhihpa ta y awpa ta bie amâ taih.

2 THÂTIHZYRONA 28:11

Chavâta ei bie he nathlie u la, sei ta nama patupa nama chiheihzy kha pakuasa ha teh u. Chataleipatala Abeipa pathiiana ru ngaitapa nama chô liata a vaw tlô pathlei aw,” tah ta.

2 THÂTIHZYRONA 28:13

ama hnohta, “He liata seizy namâ vaw ngiakhei awpa châ vei. Eima moleinazy nata eima paraonazy hleikhô ta, Abeipa chô liata eima paraona baichha awpa namâ chhuahpa a châ hih. Moleina ru ngaitapa hnei pi ta, pathiiana ru ngaitapa Izarei chô liata a tlô thlu ha hih,” tah ei ta.

2 THÂTIHZYRONA 29:10

Keimo tawhta a hiehâhna ru ngaitapa pakuasapa ta a y thei nawpa ta, Abeipa Izarei Khazohpa hnohta biehrai tao khona palôh ei hnei.

2 THÂTIHZYRONA 36:13

Khazohpa moh ta bie a pataihsa hapa Bei Nebukaneza chhao â chariah. A rao pachyupa ta, a palôh kuh pachhasa ta, Abeipa, Izarei Khazohpa lâ a heih khoh vei.

2 THÂTIHZYRONA 6:5

Abeipa ta, ‘Izi râh tawhta ei phopi Izarei sawzy ei chhi papua noh tawhta, Izarei chizy hry liata kheihawhpa khih hmahta ei moh y nawpa o sa nawpa ta a tlyh beih leipa na ta, ei phopi Izarei chhituhpa châta ahy hmah a tlyh bei hra va na.

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

2 THÂTIHZYRONA 7:16

He o liata ei moh chhâzaw ta a y thei nawpa ta, he o he a tlyh na ta, ei pathaisa haw. He liana heta ei mo nata ei palôh chhâzaw ta a y thlâh ha aw.

EZRÂ 10:14

Eima beimachâzy ta Zawpi zydua vyuhpa ta a duah ei sala, eima khihpizy liata chihropa lapinô a hneipa zydua cha, khihpi to liata machâzy nata ryureituhpazy chhaota, amâ vy nawpa daihti raopa liata a vy lymâ ei sala, chihropa lapinô ta hneipa vâta eima chô liata Khazohpa pathiiana ru ngaitapa cha pakuasapa a châ hlâlei, cha hawhta tao lymâ mawh ei sy,” tah ei ta.

EZRÂ 10:19

âmo chata ama lapinôzy a chhaih awpa ta bie a taih ei ta, ama thaileichâna atheihna hlâna châta mietaku zaw tawhta mietaku tôhpa pô kha ama hlâ.

HLAZY 63:2

Chavâta su pathaihpa liata cha moh na ta, Na hmotaotheina nata na rônahna ei moh thlâh haw.

HLAZY 68:24

Hy Khazohpa, na sie haipa hmô ei ta, Ei Khazohpa, ei Beipa, Su pathaihpa lâ na siepa chhao ama hmô.

HLAZY 68:31

Izi râh tawhta lyuhchâpazy a khy aw ei ta, Kusi ta Khazohpa lâ a ku thlai a pazawh aw.

HLAZY 73:17

Khazohpa supathaihpa liata ei ngia nahta, Ama chhâna awpa cha ei pahno thai haw.

HLAZY 78:49

A hiehâhna ru ngaitapa ama chô liata pathla thlu ta, Vâlyuhchâpa sahlaozy ta, Pathiiana, ruchhôna nata nôpona zy ama vaw tlôkhei.

PUASAINA 32:9

Abeipa ta Mawsi hnohta, “He phopi he moh thlâh ha ei na ta, phopi chhoru ngaitapa ama châ.

ZEREMIAH 50:15

Su to tawhta rahao chie teh u; A chariahpa ku liata â pie ha ta, A diasuazy pao ta, A thokhyzy a cho haw. Abeipa phuh lana a châ hih: A chô liata phuh la u la, A taopa hawhta a chô liata tao hra teh u.

MATHAI 4:10

Zisu ta a hnohta, “Sâtâ, a râ teh! ‘Abeipa na Khazohpa a chhy aw chi ta, Ano deita na chakao awpa a châ,’ Tahpa ta ropa châ tlôh ta,” tah ta.

ZAWHÂNA 12:26

Ahy rai eina chakao khiahta la, na zi mawh sy. Nâ chakaotuhpa cha ei yna liata a y hra aw. Ahy rai eina chakao khiahta la, ano cha Paw ta a palyupalih aw.

RAWMA 10:21

Izarei kyh lia chhao ta Isai ta, “Noh y ta, Reingiah leipa phopi lâta ei ku pazawh na ta, Chhorupa phopi lâta ei bâh ei pazawh,” tahpa ta a vaw reih haw.

RAWMA 6:22

Tahmâ deikua cha, moleina tawhta khotalaipa châ ha ei chi ta, Khazohpa seizy nama châ haw. A theilâpa nama hmôpa cha pathaihna lâta a chhipa châ ta, cha chhâna cha chhâzaw hrona a châ.

RYHPACHANEINA 10:16

Chavâta nama pathipalôh chopaw tai u la, chhorupa ta y khao khuh vy.

RYHPACHANEINA 6:13

Abeipa nama Khazohpa cha chi aw chi ta, ano deita chakao aw chi ta, ano moh reipa ta bie namâ taih awpa a châ.

RYHPACHANEINA 6:17

Abeipa nama Khazohpa ta nama hnohta a cha piepa biepiepazy, a biepahnosapazy nata a bieraopazy pakhâta ta nama zyh awpa a châ.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

BIEPHUAH 7:15

“Chavâta âmo cha, Khazohpa beidyuchhai hmiakô liata y ei ta, Chhô nah zâ ta ano Achhyna o liata ama chakao tyh; Beidyuchhai liata a tyuh aw ei ta, A ypâna ta a khu aw ei.