2 THÂTIHZYRONA 30:6 - Mara Bible RV (BSI)

⁶ Châ phaohtuhpazy ta abei nata a beimachâzy châ cha phaopa ta Izarei nata Zudâh râh zydua lâta sie ei ta, abei biepiepa hawhta, “Hy Izarei sawzy saih u, Khazohpa cha nâmo, Asuria beizy ku tawhta a puapa, laibâhpazy lâta â vaw heih thei nawpa ta, Abeipa, Abarahâ, Aisika nata Izarei Khazohpa lâ kua heih teh u.

2 THÂTIHZYRONA 30:6 ပူးပေါင်းရင်းမြစ်များ

1 ABEIZY 18:36

Chatawhcha zâlâ atheihna hlâ daihti liata, hrohsopa Elaizâh cha a kei hnia ta, “Hy Abeipa, Abarahâ nata Aisika nata Izarei Khazohpa y, Izarei liata Khazohpa na châ tahpa tanoh he pahnopa ta y sala, kei he châ chakaotuhpa châ na ta, he hmo zydua he nâma bie ta a taopa ei châpa tanoh he pahnopa ta y mawh sy.

2 ABEIZY 15:19

Asuria bei Puli ta Izarei râh za siehnao ta. Menâhe ta â beina pa-i awpa nata bao awpa ta Puli cha tâkâ talent sâh kha pie ta.

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

1 THÂTIHZYRONA 29:18

Hy Abeipa, miah pathlatuhpa Abarahâ, Aisika nata Izarei Khazohpa y, he hawhpa achhuahnazy nata pachânazy he na phopi palôh liata khâ paysa la, ama pathipalôhzy nâ lâ khâ paheisa mah y.

1 THÂTIHZYRONA 5:26

Chavâta Izarei Khazohpa ta Asuria bei Puli palôh nata Asuria bei Tikalâpilesa palôh pathyu ta, Rubena chi, Kâdâ chi nata Manase chi khophie zy cha sei ta a chhi ta, Hâlâ, Hâbaw nata Hârâ khihpizy nata Kôzani chavah liata âmo cha soh ta, tanoh taihta cha liata ama y.

2 THÂTIHZYRONA 28:20

Asuria bei Tikalâpilesa ta Ahâza cha vaw siehnao ta, thapatlô châpa ta, nôpopa ta tlao a soh hapa a châ.

ESTHERI 3:13

Chyhsazy tuah ei ta, châ cha abei râh pachhaihpa zydua lâta ama paphao. Râh liata Zu chyhsa a ypa thyutlia nata machâ, chanô nata hawti zydua noh kha chhôh ta, Adar thla, thla hrawh hleinona, noh hrawh hleithôhna noh ta pahleipadia khai ta, thie khai ta, pamua khai awpa nata ama hmo zydua hrao khai awpa ta, châ liata ropa a châ.

ESTHERI 8:14

Chatanachata châraituhpazy ta bei biepiepa hawhta, bei chakaona raihria liata hmâpa arâ chahrapazy kiapa ta, a chatliepa ta châ cha rai ei ta. Biepiepa cha thokhy khihpi Susâ liata papuapa a châ.

ZAWBÂ 9:25

“Ei nohzy he râpasuatuhpa hlâta chatlie via ta, A zaw ei ta, Alyna noh hmô leipa ta ama khô tyh.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 6:13

Râh liata chyhsa su hrawh su kha a ngua hra ei sala, Roryhrapa ta paysapa a châ heih aw. Châhrasala terebi nata ôkâ thozy thlu nota, Ama chuahmizy pahlôhpa a châpa hawhta, Chipathla pathaihpa cha Izarei thaby châta pahlôhpa a châ aw.”

ZEREMIAH 29:1

He he Nebukaneza ta Zerusale tawhta Babylaw lâ sei ta â chhipazy hry liata a hrohpa ta a ypa machâzy, theihthaipazy, hrohsopazy nata zawpi zydua hnohta hrohsopa Zeremiah ta châ a paphaopa liata a ropa biezy a châ.

ZEREMIAH 3:14

“Hy ngiapâ hnôhsypa sawzy saih u, Nama vahpa ei châ hih, Vaw kua teh u. Khihpi tawhta pakha cha la aw ei na ta, Chhôh to tawhta pano lapa ta, Zaio lâ ei châ chhi aw ei,” Abeipa ta a tah.

ZEREMIAH 4:1

“Hy Izarei y, na kua awpa khiahta la, Kei lâ vaw kua mah y,” Abeipa ta a tah. “Na pasichhihnazy ei mohmô tawhta pasie la, Na palôh a zawvaw leipa sala,

ZEREMIAH 51:31

A khihpi cha su to liata la hapa a châna kyh Babylaw bei chho awpa ta, Zikyurâtuhpa ta zikyurâtuhpa hropa a kei tyh ta, Lyuhchâpa ta lyuhchâ hropa â kei tyh.

CHAPHÔHTUNA 3:40

Eima lâpizy pasiapa ta pakhâta ta moh sih la, Abeipa lâ kua heih suh u!

CHAPHÔHTUNA 5:21

Hy Abeipa, paduapathipa ta eima y thei nawpa ta, Nâ lâ miah pakuasa heih la, Hlâno daihti hawhna khata eima nohzy pathieh heih mah y.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

ZEKARIA 1:3

Chavâta ama hnohta, Pheisaihzy Abeipa ta hetana heta a tah tahpa ta chho teh: ‘Kei lâ vaw kua teh u,’ Pheisaihzy Abeipa ta a tah; ‘Chatanachata kei chhao nâmo lâ ei vaw kua aw,’ Pheisaihzy Abeipa ta a tah.

ZEKARIA 1:4

Châ pathlatuhpazy hawhna khata y khah u. Hrohsopa hmiatuapazy ta, ‘Pheisaihzy Abeipa ta hetana heta a tah, nama moleina lâpi tawhta nata nama moleina hmotaopazy tawhta tahmâ vaw kua teh u,’ tahpa ta zikyu a râ ei ta, châhrasala nathlie leipa ei ta, na uasa hra veih ei,” Abeipa ta a tah.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.