2 THÂTIHZYRONA 30:2 - Mara Bible RV (BSI)

² Abei nata a beimachâzy nata Zerusale zawpi zydua ta ryhrao ei ta, thla nona liata Zawpakhô kyhchhi hnei awpa ta a vaw chhuah tua ei ta.

2 THÂTIHZYRONA 30:2 ပူးပေါင်းရင်းမြစ်များ

2 ABEIZY 23:22

Izarei chô liata ryureituhpazy ta ryu ama rei daihti rakha tawhna kha ta, Izarei beizy daihti chhôh zydua nata Zudâh beizy daihti chhôh zydua ta, Zawpakhô Kyhchhi he ama vaw chay khao leipa a châ.

2 THÂTIHZYRONA 1:2

Sawlawmaw ta Izarei saw zydua, pheisaih sâh kha hyutuhpazy, pheisaih za kha hyutuhpazy, ryureihtuhpazy, Izarei râh zydua liata chhituhpa chhôh to pawhrâhpa zydua hnohta bie reih ta.

2 THÂTIHZYRONA 30:1

Hezekia ta Izarei nata Zudâh râh zydua liata chyhsa tuah ta, Epharai nata Manase chizy lâ chhao châ paphao ta, Abeipa, Izarei Khazohpa lâta Zawpakhô kyhchhi chay awpa ta, Zerusale liata Abeipa o lâ a vy khai awpa ta bie papua ta.

2 THÂTIHZYRONA 30:13

Thla nona liata, viahchhâ thinô pahlao leipa kyhchhi hnei awpa ta, chyhsa hluhpi Zerusale liata tlôpakhy ei ta. Zawpi ama hluh ngaita.

2 THÂTIHZYRONA 30:15

Thla nona, noh hrawh hleipalihna noh ta, Zawpakhô mietakutaw cha thie ei ta. Theihthaipazy nata Livai pathlazy cha ama hmia chhie kaw ta, a pathai ei ta, raopa hlânazy cha Abeipa o liata a ngiakhei ei ta.

2 THÂTIHZYRONA 35:1

Zôsia ta Abeipa châta Zerusale liata Zawpakhô kyhchhi tao ta. Thla khana, no hrawh hleipalihna noh ta Zawpakhô mietakutaw thie ei ta.

BIESOZY 11:14

Chhihthana y leina liata cha phopi pao tyh ta, Ryhrao thaipa hluhna liata deikua cha abohna a y tyh.

BIESOZY 15:22

Ryhraona phapa a y leina liata cha achhuahnazy a hlaotloh thei leipa ta, Pasopakâtuhpa ama hluhna liata deikua cha achhuahnazy a hlaotloh tyh.

BIECHHOTUHPA 4:13

Bei hrupa machâpa, pachâna lana châh chhao a pahno khao leipa hlâta cha, thyutlia sopa dyhchhiepa a pha via.