2 THÂTIHZYRONA 30:12 - Mara Bible RV (BSI)

¹² Abei nata beimachâzy ta Abeipa bie hawhta bie ama piepa cha tao awpa ta, Khazohpa ku cha Zudâh chô liata y ta, Zudâh pathlazy cha palôh miakha paphaosa ta.

2 THÂTIHZYRONA 30:12 ပူးပေါင်းရင်းမြစ်များ

2 THÂTIHZYRONA 29:15

Ama unawhzy pakhy ei ta, a pathai ei ta, Abeipa bie hawhta bei ta bie a piepa hawh ei ta, Abeipa o cha pathai awpa ta a ngia ei ta.

2 THÂTIHZYRONA 29:25

Abeipa o liata paotlâzy, tlaipihzy, totâzy tô awpa ta, Livai pathlazy soh ta. Cha cha Dâvi nata abei hrohsopa Kâdâ nata hrohsopa Nâthâ zy biepiepa hawhta taopa châ ta, cha biepiepa cha, a hrohsopazy hmâpa ta Abeipa ta a piepa a châ.

2 THÂTIHZYRONA 29:36

Ama pangiasa leipa ta, eikhapi ta hmo vaw y ta, Khazohpa ta zawpizy châta â chhuanohpa hmozy vâta, Hezekia nata zawpi zydua cha amâ ly ngaita.

2 THÂTIHZYRONA 8:15

Abei ta theihthaipazy nata Livai pathlazy bie a piepa cha, khâpa kyh lia hmahta tleisai leipa ei ta, sôh kyh liata chhao tleisai cheita veih ei.

EZRÂ 7:27

Zerusale liata Abeipa o â ngia ngaitapa ta tobi awpa ta, cha hawhpa hmo cha abei palôh liata sopa ta,

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

ZEREMIAH 24:7

Abeipa ei châ tahpa pahno theina palôh pie aw ei na ta, pathipalôh tlokhuh ta kei lâ ama vaw kua awpa vâta, âmo cha ei phopi châ aw ei ta, kei ama Khazohpa ei châ aw.

ZEREMIAH 32:39

Âmo pha nawpa nata âmo hnôhlâ ta ama pathlazy pha nawpa ta chhâzaw ta eina chi thei nawpa ei ta, palôh miakha paphaosa aw ei na ta hrozie miakha ei pahneisa aw ei.

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

HMOTAOPAZY 4:19

Châhrasala Pity nata Zawhâna ta a chhy ei ta, “Khazohpa bie zyh leipa ta nâmo bie zyhpa cha, Khazohpa mohmô ta â do thai aw ma? Nâmo ta pasia teh u.

2 KAWRINI 3:5

Keimo liata tlohna hnei leipa pi ta, keimo tawhta a puapa rei awpa khâpa hmah hnei ma pi. Eima tlohna cha Khazohpa tawhta a châ.

RYHPACHANEINA 4:2

Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.

PHILIPI 2:13

Ano alynazie tlaichhai ta, a khopa tao awpa ta, nâmo liata hriatuhpa cha Khazohpa a châ.

1 THYSALAWNIKA 4:2

Abeipa Zisu biehneina hmâpa ta biepiepa eima cha piepazy kha nama pahno.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

HEBRAI 13:21

a khopa nama tao thei nawpa ta hmo pha to ta cha tobi ei sala, a mohmô liata â lynazie ta nama y lymâ thei nawpa ta, Zisu Krista zawhzi ta nâmo liata hria lymâ sala, Zisu Krista hnohta chhâzaw nata tlyzaw ta rônahna y mawh sy. Amen.