2 THÂTIHZYRONA 30:10 - Mara Bible RV (BSI)

¹⁰ Châ phaohtuhpazy ta Epharai nata Manase râh zydua liata khih to chahryh lymâ ei ta, Zebulawna taihta ama sie. Châhrasala pahneisao ei ta, mohnaopa ta pasipasawh ei ta.

2 THÂTIHZYRONA 30:10 ပူးပေါင်းရင်းမြစ်များ

2 THÂTIHZYRONA 36:16

Châhrasala Khazohpa lyuhchâpazy cha pasipasawh tyh ei ta, Khazohpa biezy cha khâpasaw ta reih leipa ei ta, a hrohsopazy chhao ama pahneisao tyh. Achhâna liata Abeipa pathiiana a phopi chô liata vaw tlô ta, patlâh thei awpa châ khao vei.

2 THÂTIHZYRONA 30:6

Châ phaohtuhpazy ta abei nata a beimachâzy châ cha phaopa ta Izarei nata Zudâh râh zydua lâta sie ei ta, abei biepiepa hawhta, “Hy Izarei sawzy saih u, Khazohpa cha nâmo, Asuria beizy ku tawhta a puapa, laibâhpazy lâta â vaw heih thei nawpa ta, Abeipa, Abarahâ, Aisika nata Izarei Khazohpa lâ kua heih teh u.

HEBRAI 11:36

Mohropazy chhao pasipasawhna nata tuna zy vâta pasa tao ei ta, bâlia nata patâhna zy amâ tyh.

HMOTAOPAZY 17:32

Athihpa thyuheihna kyh ama thei nahta, thokha ta pahneisao ei ta, ahropazy ta, “Cha kyh cha nâma tawhta eima nathlie heih aw,” tah ei ta.

LUKA 23:35

Zawpizy a kiapâh liata a duah ei ta, sai thlâh ha ei ta. Ryureituhpazy deikua ta pasipasawh ei ta, “Mohropazy a pachha tyh mâh tâh. Khazohpa Atlyhpa Mesia a châ tlai khiahta cha, anosasyh a pachha bao sa!” tah ei ta.

LUKA 16:14

Cha biezy cha tâkâ a tlaichhai kawpa Phârisaihzy ta ama thei nahta, pahneisao ei ta.

LUKA 8:53

A thi ha tlai tahpa ama pahnopa vâta Zisu cha pahneisao ei ta.

ZAWBÂ 12:4

Tahmâ deikua cha, Viasazy pahneiparâsaopa châ na ta; Khazohpa aw ta, Khazohpa ta â chhypa, Chyhsa siapa nata seina hnei leipa kei he, Pahneiparâsaopa ei vaw châ haw.

ZAWBÂ 9:25

“Ei nohzy he râpasuatuhpa hlâta chatlie via ta, A zaw ei ta, Alyna noh hmô leipa ta ama khô tyh.

ESTHERI 8:14

Chatanachata châraituhpazy ta bei biepiepa hawhta, bei chakaona raihria liata hmâpa arâ chahrapazy kiapa ta, a chatliepa ta châ cha rai ei ta. Biepiepa cha thokhy khihpi Susâ liata papuapa a châ.

ESTHERI 8:10

Bei Ahasuarâ moh ta châ cha roh ta, abei kusadi ta chahnao pa-i ta. Bei arâ o liata a patawpa arâ chahrapazy kiapa ta, châraituhpazy ta châ cha ama rai lymâ.

ESTHERI 3:15

Biepiepa cha thokhy khihpi Susâ liata papuapa châ ta, bei biepiepa hawhta châraituhpazy ta a chatliepa ta sie ei ta. Abei nata Hâmâ cha sahma do awpa ta a tyuh ei ta. Cha nota Susâ khihpi deikua cha thata â tymâ.

ESTHERI 3:13

Chyhsazy tuah ei ta, châ cha abei râh pachhaihpa zydua lâta ama paphao. Râh liata Zu chyhsa a ypa thyutlia nata machâ, chanô nata hawti zydua noh kha chhôh ta, Adar thla, thla hrawh hleinona, noh hrawh hleithôhna noh ta pahleipadia khai ta, thie khai ta, pamua khai awpa nata ama hmo zydua hrao khai awpa ta, châ liata ropa a châ.

NEHEMIAH 2:19

Cha thâtih cha Hôrô chyhsa Sanbâlâ nata Amawna chyhsa molaipa Tôbia nata Arabia chyhsa Kese zy ta ama thei nahta, miah pasipasawhpa ta miah pahneisao ei ta, “Khâpa hmo ma nama tao? Abei ma nama chakhia aw?” miah tah ei ta.

ÂTHAONA 19:14

Chatanachata Lawta cha a sawchanôzy a hnei awpa a piahpazy lâ vawh ta, ama hnohta, “Thyu u la, he su tawhta pua teh u. Abeipa ta he khihpi he a pahleipadia aw,” kei tah ta. Châhrasala a piahpazy ta sai a sohpa hawhta pachâ ei ta.

2 THÂTIHZYRONA 34:9

Theihthai beichaipa Hikia lâ vawh ei ta, chyhsazy ta Khazohpa o lâ ama vaw cheipa sôhzy kei pie ei ta. Cha sôh cha ochhi vaituhpa Livai pathlazy ta Manase mo, Epharai mo, Izarei laibâhpazy, Zudâh mo nata Benzami mo nata Zerusale khihsawzy tawhta ama lapakhypa a châ.

ZEREMIAH 38:19

Bei Zedekia ta Zeremiah hnohta, “Kaldia mo ta âmo a bai hapa Zu chyhsazy ku liata na hlâ aw ei ta, Zu chyhsazy ta nôchhie kawpa ta eina taola aw ei, tahpa ei chipa vâta a châ,” tah ta.