2 THÂTIHZYRONA 30:1 - Mara Bible RV (BSI)

¹ Hezekia ta Izarei nata Zudâh râh zydua liata chyhsa tuah ta, Epharai nata Manase chizy lâ chhao châ paphao ta, Abeipa, Izarei Khazohpa lâta Zawpakhô kyhchhi chay awpa ta, Zerusale liata Abeipa o lâ a vy khai awpa ta bie papua ta.

2 THÂTIHZYRONA 30:1 ပူးပေါင်းရင်းမြစ်များ

2 ABEIZY 23:22

Izarei chô liata ryureituhpazy ta ryu ama rei daihti rakha tawhna kha ta, Izarei beizy daihti chhôh zydua nata Zudâh beizy daihti chhôh zydua ta, Zawpakhô Kyhchhi he ama vaw chay khao leipa a châ.

2 THÂTIHZYRONA 11:13

Izarei maw lâ râh zydua liata theihthaipazy nata Livai pathlazy cha ama yna su chyu tawhta Rehôbaw lâ pangai ei ta.

2 THÂTIHZYRONA 11:16

Izarei chi zydua hry tawhta Izarei Khazohpa Zehôvâh padona lâta ama palôh a heihpa zydua ta, ama pathlatuhpazy Khazohpa Zehôvâh lâ atheihna hlâ awpa ta, theihthaipazy nata Livai pathlazy cha Zerusale lâ pazi ei ta.

2 THÂTIHZYRONA 25:7

Châhrasala Khazohpa chyhsa pakha ano lâ a vy ta, a hnohta, “Hy abei, Izarei hnohta, he Epharai pathla zydua hnohna heta Abeipa y vei. Chavâta Izarei pheisaihzy he na hnohta pasiesa khah y.

2 THÂTIHZYRONA 29:24

Theihthaipazy ta miezy cha thie ei ta, ama thisaih chhaota maisâh liata moleina hlâna ta hlâ ei ta, Izarei saw zydua châta chatlaina ama tao. Izarei saw zydua châta raopa hlâna nata moleina hlâna tao awpa ta, abei biepiepa hawhta ama tao.

2 THÂTIHZYRONA 29:36

Ama pangiasa leipa ta, eikhapi ta hmo vaw y ta, Khazohpa ta zawpizy châta â chhuanohpa hmozy vâta, Hezekia nata zawpi zydua cha amâ ly ngaita.

2 THÂTIHZYRONA 30:2

Abei nata a beimachâzy nata Zerusale zawpi zydua ta ryhrao ei ta, thla nona liata Zawpakhô kyhchhi hnei awpa ta a vaw chhuah tua ei ta.

2 THÂTIHZYRONA 35:6

Zawpakhô mietakutaw cha thie aw ei chi ta, a pathai aw ei chi ta, Mawsi ku ta piepa Abeipa bie hawhta tao awpa ta, nama unawhzy châta namâ chhuanoh aw,” tah ta.

ZEREMIAH 29:1

He he Nebukaneza ta Zerusale tawhta Babylaw lâ sei ta â chhipazy hry liata a hrohpa ta a ypa machâzy, theihthaipazy, hrohsopazy nata zawpi zydua hnohta hrohsopa Zeremiah ta châ a paphaopa liata a ropa biezy a châ.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 5:4

Ama hmotaopazy ta Ama Khazohpa lâ kua heih awpa pakhâ ha ta, Sihryh khona ta ama palôh bie ta, Abeipa pahno veih ei.

ZAWSUA 14:4

Zawsi pathlazy tawhta Manase nata Epharai tahpa ta chi no ta ama pua hapa vâta, Livai pathlazy cha râh to hra leipa ei ta, ama pahrâ nawpa châta khihpizy nata ama sahrohzy lao pabâsa nawpa châta khihpi chheipâh sibiepa râhzy piepa tlao ama châ.