2 THÂTIHZYRONA 28:9 - Mara Bible RV (BSI)

⁹ Cha liata Abeipa hrohsopa pakha, a moh Ôdedâ ama tahpa y ta. Samâri lâ a vaw tlôpa pheisaihzy cha kei dy ta, ama hnohta, “Pachâ teh u, Abeipa châ pathlatuhpazy Khazohpa cha Zudâh chô liata a hie a hâhpa vâta nama ku liata a cha pie ei. Châhrasala pathi iapa ta thie ei chi ta, nama thiena kyh cha vârâh a daih haw.

2 THÂTIHZYRONA 28:9 ပူးပေါင်းရင်းမြစ်များ

ÂTHAONA 11:4

Chatanachata, “A vy teh u, khihpi padua sih la, o sâhpa a laki avâ a daih awpa sa sih la, eima moh pathâhsa suh u. Chataleipatala alei chô zydua liata papaipa ta eima y pathlei aw na,” tah ei ta.

ÂTHAONA 4:10

Abeipa ta a hnohta, “Khâpa hmo ma na tao haw? Na unawhpa thisaih ta chhaohlei tawhta eina kaw aw.

1 ABEIZY 20:13

Hrohsopa pakha ta Izarei bei Ahabâ cha a kei hnia ta, a hnohta, “Abeipa ta hetana heta a tah: ‘He zawpi hluh ngaitapazy he na hmô ma? Moh teh, âmo he tanoh na ku liata ei cha pie aw. Chatanachata kei he Abeipa ei châ tahpa na pahno aw,’” tah ta.

1 ABEIZY 20:22

Hrohsopa ta Izarei bei cha a kei hnia ta, a hnohta, “Na tha a patlô rili la, na taozie awpa pachâ mah y. Hâhkô châhvâ a vaw chhi tita, Aramia bei he a cha za siehnao heih aw,” tah ta.

1 ABEIZY 20:42

Hrohsopa ta abei hnohta, “Abeipa ta hetana heta a tah: ‘Pahleipadia awpa ta ei raopa chyhsa na ku tawhta na papua hapa vâta, ano hrona vyuhpa ta nâma hrona, ano phopi vyuhpa ta nâma phopi na pahlei aw,’ a tah,” tah ta.

1 THÂTIHZYRONA 21:13

Dâvi ta Kâdâ hnohta, “Ei nô a po ngaita. Abeipa ku liata ei pao thlu aw, ano cha zawngiah thei ngaitapa châ tlôh ta. Chyhsapa ku liata la na papaosa khah y,” tah ta.

2 THÂTIHZYRONA 28:5

Chavâta Ahâza cha Abeipa a Khazohpa ta Aramia bei ku liata pie ha ta. Aramia mo ta Ahâza cha pahnie ei ta, a chyhsa hluhpi patu ei ta, sei ta Dâmaskâ lâ ama siekhei haw. Izarei bei ku liata chhao piepa châ ta, ano chhao ta Zudâh chyhsa hluhpi a thie haw.

EZRÂ 9:6

“Hy ei Khazohpa y, nâ lâ a vaw heih awpa he ei noza ta ei hmia a chhie kaw dia. Hy ei Khazohpa, eima paraonazy cha eima luh hlâta a sâh via ta, eima thaileichâna ta avâ a kaw daih haw.

HLAZY 69:26

Na tupa chyhsa chô liata taolana baichha ei ta, Hmah na paphaopazy pasana ama reih chanei tyh.

ISAI 47:6

Ei phopi chô liata ei hiehâh ta, Ei ryuto râh cha papuapaleipa ta, Âmo cha na ku liata ei cha pie. Zawngiahna rai ama chô liata palâsa leipa chi ta, Machâpazy taihta phaohri a hri ngaitapa na paphaosa ei.

ZAWNA 1:2

a hnohta, “Thyu la, Ninivâ khihpi, hao khihpi rônahpa lâ hao sie la, bie kei chho mah y, ama paraona ei hmiakô liata a kaw tlô haw,” tah ta.

ZEKARIA 1:15

A boh kawpa hawhta â pachâpa phopizy chô liata chhao ei hie a hâh ngaita. Hmiatua ta cha ei hiehâh tu vei, châhrasala âmo tlai ta moleina hmo ama tao via rili.

BIEPHUAH 18:5

A moleinazy avâ taihta a pacho ta, A paraonazy Khazohpa ta â thei thlâh haw.

RYUREITUHPAZY 3:8

Chavâta Izarei chô liata Abeipa a pathi ia ta, Izarei sawzy cha Mesôpôtamia bei Kusarisathai lâ a zuah ha ei. Izarei sawzy cha Kusarisathai ry liata kô charie y ei ta.