2 THÂTIHZYRONA 28:6 - Mara Bible RV (BSI)

⁶ Remâliah sawchapawpa Pekâ ta, noh kha ta Zudâh chyhsa 120,000 thie ta. Ama zydua ta pasaipha châ ei ta, Abeipa, ama pathlatuhpazy Khazohpa amâ heihsaipa vâta pahniepa ama châ.

2 THÂTIHZYRONA 28:6 ပူးပေါင်းရင်းမြစ်များ

2 ABEIZY 15:27

Zudâh bei Azariah kô sypangawh nata kô no â bei kô ta, Remâliah saw­chapawpa Pekâ cha Izarei chô liata Samâri liata a bei pathao ta, kô kih â bei.

2 ABEIZY 15:37

Cha daihtizy liata, Abeipa ta Aramia bei Rezi nata Remâliah sawcha­pawpa Pekâ cha Zudâh a dyuh awpa ta tuah pathao ta.

2 ABEIZY 16:5

Aramia bei Rezi nata Remâliah sawchapawpa Izarei bei Pekâ cha Zerusale a dyuh awpa ta khy ei ta, Ahâza cha dôh ei ta, châhrasala pahnie thei leipa ei ta.

2 THÂTIHZYRONA 13:17

Abizah nata a pheisaihzy ta Izarei maw lâ pheisaihzy cha thata thie ei ta, Izarei pheisaih atlyhpatluapa 500,000 thiepa ama châ.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 21:10

Chatanachata Edômâ cha tanoh taihta Zudâh â dyuh ngâ thlâh haw. Zehôrâ cha Abeipa, a pathlatuhpazy Khazohpa â heihsaipa vâta, cha daihti liata, Libnâ khihpi chhao ta a ryureina â dyuh ha hra.

2 THÂTIHZYRONA 28:7

Epharai pasaipha Zikari ta Zudâh bei sawchapawpa Mâ­sei nata abei o liata hyutuhpa Azrikâ nata abei a pazipa Elkânâ zy a thie ei.

ZAWBÂ 34:27

Ano ama pazipa tleisai ei ta, A lâpizy ama pachâ leipa vâta.

HLAZY 37:38

Hmoparaopazy deikua cha, Tlokhuh pahleipadiapa châ aw ei ta; Moleipa hmialâ daihti awpa chhao, Chhawh pathlahpa a châ aw.

ISAI 1:28

Hmoparaopazy nata moleipazy deikua cha, Hmaohkha ta pahleipadiapa châ aw ei ta, Abeipa a siesaipazy chhao ama leidia aw.

ISAI 3:25

Na chapawzy zaozi ta pao aw ei ta, Na pasaiphazy adyuhna liata ama pao aw.

ISAI 7:1

Uzia sawchapawpa Zôthâ sawchapawpa Zudâh bei Ahâza â beina daihti liata, Aramia bei Rezi nata Remâliah sawchapawpa Izarei bei Pekâ cha Zerusale a dyuh awpa ta khyhnao ei ta, châhrasala pahnie thei leipa ei ta.

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

EZEKIA 16:57

na moleina hmôpa a châ hlâta cha, cha hawhta na tao tyhpa châ vei ma? Tahmâ deikua cha, Aramia sawchanôzy nata a chheipâh liata a ypa zydua ta ama reipachhie awpa châ ha bâ chi ta, su to tawhta châ pasipasawh tyhpa Philistinâ sawchanôzy ta ama reipachhie awpa na châ ha hih.

RYHPACHANEINA 28:15

“Abeipa nama Khazohpa ao nathlie leipa u la, Abeipa biepiepa nata a bieraopa tanoh ta ei cha piepazy ei he zyh leipa ta, nama tao leipa khiahta deikua cha, he chhiesana zydua he nama chô liata vaw tlô aw ta, nama hmia lâta a cha siekhâh lymâ aw ei.

RYHPACHANEINA 28:25

“Abeipa ta nama chariahzy hmiakô liata cha panawh aw ei ta, âmo a dyuh awpa ta lâpi miakha a chhih aw ei chi ta, lâpi miasari lâta ama hmiakô liata namâ râpai aw. Chatanachata khizaw khinarâh zydua chipa ta a paysatuhpa nama châ aw.

RYHPACHANEINA 32:20

Chavâta Abeipa ta, ‘Ei hmia nyusai aw ei na ta, Ama chhâna ei moh tua aw. Chhâ moleipa châ ei ta, Ngâchhih leipa sawzy ama châ.

ZAWSUA 23:16

Abeipa nama Khazohpa ta bie a cha piepa ei, a biehrai paraopa ta, khazoh hropazy pangaipa ta âmo cha chakaopa ta namâ chhy khiahta cha, nama chô liata Abeipa pathi ia aw ta, râh phapa a cha piepa tawhna ei heta thlai nama leidia aw,” tah ta.

ZAWSUA 24:20

Abeipa siesaipa ta râh hropa khazohzy nama chakao khiahta cha, nama chô liata hmo phapa a vaw tao hapa chhao ta, châ heihnaohpa ta hmo pha leipa ta cha thô aw ei ta, a cha pahleipadia aw ei,” tah ta.