2 THÂTIHZYRONA 28:5 - Mara Bible RV (BSI)

⁵ Chavâta Ahâza cha Abeipa a Khazohpa ta Aramia bei ku liata pie ha ta. Aramia mo ta Ahâza cha pahnie ei ta, a chyhsa hluhpi patu ei ta, sei ta Dâmaskâ lâ ama siekhei haw. Izarei bei ku liata chhao piepa châ ta, ano chhao ta Zudâh chyhsa hluhpi a thie haw.

2 THÂTIHZYRONA 28:5 ပူးပေါင်းရင်းမြစ်များ

2 THÂTIHZYRONA 24:24

Aramia pheisaihzy cha maluh chyhta vaw sie ei ta, châhrasala Zudâh pathlazy ta Abeipa, ama pathlatuhpazy Khazohpa amâ heihsai hapa vâta, Abeipa ta Zudâh pheisaih hluh ngaitapa cha Aramia mo ku liata a pie ha ei. Cha hawhna chata Zôasâ chô liata hriena ama patlôsa haw.

2 THÂTIHZYRONA 29:9

Pachâ teh u, miah pathlatuhpazy kha zaozi ta pao ei ta, eima sawchapawzy, eima sawchanôzy nata eima lapinôzy sei ta a chhipa ama châ.

2 THÂTIHZYRONA 33:11

Chavâta Abeipa ta Asuria pheisaih hyutuhpazy vaw tuah ta, Manase cha patu ei ta, a hnari daohpa ta dawh bâlia ta buh ei ta, Babylaw lâ ama siekhei haw.

2 THÂTIHZYRONA 36:17

Chavâta âmo a dyuh awpa ta, Abeipa ta Kaldia bei pathyusa ta, ano ta ama satliazy ama supathaihpa o liata zaozi ta thie ta, satlia nata laihsa, machâpa nata pawpi nôpipazy chhao ngiachhiena rai hnei leipa ta thie lymâ ta. Abeipa ta Zerusale khihsawzy cha Kaldia bei ku liata a hlâ khai ha ei.

2 THÂTIHZYRONA 36:5

Zehôki cha kô kih nata kô pangawhpa a châ nota a bei pathao ta, Zerusale liata kô hrawh hleikha â bei. Abeipa a Khazohpa mohmô liata hmo pha leipa tao ta.

ISAI 7:1

Uzia sawchapawpa Zôthâ sawchapawpa Zudâh bei Ahâza â beina daihti liata, Aramia bei Rezi nata Remâliah sawchapawpa Izarei bei Pekâ cha Zerusale a dyuh awpa ta khyhnao ei ta, châhrasala pahnie thei leipa ei ta.

ISAI 7:6

“Zudâh khyhnao sih la, kaw pachisa ei suh u. Keimo châta kaw pahnie sih la, Tâbi sawchapawpa cha, cha liata bei ta tao ei suh u,” ama tah.

EZEKIA 16:57

na moleina hmôpa a châ hlâta cha, cha hawhta na tao tyhpa châ vei ma? Tahmâ deikua cha, Aramia sawchanôzy nata a chheipâh liata a ypa zydua ta ama reipachhie awpa châ ha bâ chi ta, su to tawhta châ pasipasawh tyhpa Philistinâ sawchanôzy ta ama reipachhie awpa na châ ha hih.

RYUREITUHPAZY 2:14

Chavâta Abeipa cha Izarei chô liata a pathi ia ta, hraotuhpazy lâta âmo cha pie ta, ama hrao haw. Ama chheipâh chariahzy ku liata âmo cha zuah ta, ama chariahzy hmiakô liata a duah thei khao veih ei.