2 THÂTIHZYRONA 26:5 - Mara Bible RV (BSI)

⁵ Khazohpa china kyh a pachupa Zekaria hro chhôh zydua cha Khazohpa tlua lymâ ta. Abeipa a tlua chhôh zydua cha Khazohpa ta hlaotlohna a pie lymâ.

2 THÂTIHZYRONA 26:5 ပူးပေါင်းရင်းမြစ်များ

ÂTHAONA 41:15

Phiraoh ta Zawsi hnohta, “Mâ sa na ta, a chhopasia theipa y veih ei. Nâ cha mâ na thei nahta, na chhopasia theipa kyh ama reipa ei vaw thei,” tah ta.

ÂTHAONA 41:38

Phiraoh ta a chakaotuhpazy hnohta, “He hawhta Khazohpa Thlahpa ta a ypâpa chyhsa he eima hmô thei aw mâ?” tah ta.

2 ABEIZY 15:34

A paw Uzia hmotaopa zydua tao hrapa ta, Abeipa mohmô ta hmo dopa tao ta.

1 THÂTIHZYRONA 22:11

“Chavâta ei sawchapawpa y, Abeipa na hnohta y mawh sy. Thlaochhipa ta y lymâ la, Abeipa ta na kyh a vaw rei chhielie hapa hawhta, hlaotloh kawpa ta Abeipa na Khazohpa o cha sa mah y.

1 THÂTIHZYRONA 22:13

Abeipa ta Mawsi hnohta Izarei châta bieraopa nata pachiana a piepazy kha na zyh khiahta cha, thlaochhipa ta na y lymâ aw. Thatlôpa nata riahphapa ta y mah y. Chi leipa la, ngiaroh khah y.

2 THÂTIHZYRONA 14:6

Râh cha thlalôhpa ta a ypa vâta, thokhy hneipa khihpizy Zudâh râh liata padua ta. Abeipa ta apahâna a piepa vâta, cha kôzy liata chariah a dyuhpa hnei vei.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 24:2

Zôasâ cha theihthaipa Zehôdâ hro chhôh zydua cha Abeipa mohmô ta hmo phapa tao ta.

2 THÂTIHZYRONA 25:8

Hrâ na sie awpa khiah cha sie la, a dyuh la, adyuhna châta riahphapa ta y mah y. Chataleipatala Khazohpa ta chariah hmia liata a cha panawh pathlei aw. Khazohpa cha bao theina nata panawh theina hmotaotheina a hneipa châ tlôh ta,” tah ta.

2 THÂTIHZYRONA 26:4

A paw Amazia hmotaopa hawhta tao hrapa ta, Abeipa mohmô liata hmo dopa tao ta.

2 THÂTIHZYRONA 27:6

Zôthâ cha Abeipa a Khazohpa hmiakô liata a lâpizy pakhâta ta a mohpa vâta, a thatlô via lymâ ta.

2 THÂTIHZYRONA 29:1

Hezekia cha kô kih nata kô pangawhpa a châ nota a bei pathao ta, Zerusale liata kô kih nata kô chaki â bei. A nô moh cha Abizah châ ta, Zekaria sawchanô a châ.

2 THÂTIHZYRONA 32:30

Kihaw chavah hnawh toh ta, Dâvi khihpi notla lâchhâh ta a palosa. Chatanachata Hezekia cha a hmotaopa zydua liata thlaochhipa ta y lymâ ta.

HLAZY 1:3

Vahtie kiah liata tho lopa, A daihtita ta a pathei tyhpa, A hna chhao a uah beih leipa hawhta a châ. A hmotaopa zydua liata thlao â chhi tyh.

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

DÂNIAH 10:1

Persia bei Kôresâ kô thôh â bei kô ta, Dâniah, a moh Beltesâza bipa hnohta bie vaw tlô ta. Bie cha a do ta, adyuhna rarôh ypa kyh a châ. Bie cha pahno thai ta, aluahna chhao cha a pahno thai hra.

DÂNIAH 2:19

Chatanachata bienyupa cha zâ ta aluahna liata Dâniah hnohta palâhâhpa châ ta. Dâniah ta avâ Khazohpa cha reithai ta.

DÂNIAH 5:16

Nâ deikua cha chhopasianazy reih thei chi ta, bie rupazy na pathlâ thei tahpa ei thei. Tahmâ châropa he reih thaipa ta, a chhopasiana eina pahnosa thei khiah chi ta cha, poh saihlawpa pabupa châ aw chi ta, na rao liata ngôh pachhih paaopa châ aw chi ta, ei râh liata ryureituhpa a sâh chaipa a pathôhna na châ aw,” tah ta.

HÔSIA 6:4

Hy Epharai, kheihta ma ei cha tao aw? Hy Zudâh, kheihta ma ei cha tao aw? Nâmo phana cha my meihdo hawh dei châ ta, My diati thlai ta a paipa hawh dei a châ.

HMOTAOPAZY 20:30

Nama hry tawh cheingei chhao ta, pachupazy âmo lâ pabaisa a chhuahpa ta, haipa bie hmâpa ta chyhsa a pasiesachheipazy ama vaw pua aw.

ZAWSUA 1:7

Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.

ZAWSUA 1:8

Ryhpa Châbu heta na pakah a puasai awpa châ leipa ta, a chhôh liata bieropazy chhô nah zâ ta tlao na pachâ awpa a châ. Chatanachata ryhpa biezy cha pakhâta ta na zyh thei aw. Cha hawhta na tao khiahta cha, na lâpizy patlâ aw ta, na hlao a tloh aw.

RYUREITUHPAZY 2:7

Zawsua hro chhôh zydua nata Zawsua hnôhlâ ta Abeipa ta Izarei châta hmo rônahpa a taopa a hmôpa Izarei machâzy hro chhôh zydua liata, Izarei phopi cha ama zydua ta Abeipa ama chakao lymâ.