2 THÂTIHZYRONA 26:3 - Mara Bible RV (BSI)

³ Uzia cha kô hrawh hleicharupa a châ nota a bei pathao ta, Zerusale liata kô sypangawh nata kô no â bei. A nô moh cha Zekôliah châ ta, Zerusale zuah a châ.

2 THÂTIHZYRONA 26:3 ပူးပေါင်းရင်းမြစ်များ

2 THÂTIHZYRONA 26:2

A pathlatuhpazy hnohta Bei Amazia â mô tawhta, a sawchapawpa Bei Uzia ta Elô khihpi paduapathi ta, Zudâh ry liata soh heih ta.

2 THÂTIHZYRONA 26:4

A paw Amazia hmotaopa hawhta tao hrapa ta, Abeipa mohmô liata hmo dopa tao ta.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ISAI 6:1

Bei Uzia a thi kô ta, Abeipa cha beidyuchhai a sâhpa nata a chaluahpa liata â tyu thlâh hapa hmô na ta. A poh rônahpa ta Achhyna o pabie khai ha ta.

HÔSIA 1:1

He biezy he Zudâh râh liata Uzia, Zôthâ, Ahâza nata Hezekia zy amâ beina daihti nata Izarei râh liata Zôasâ sawchapawpa Zerôbôâ â bei nota Beri sawchapawpa Hôsia hnohta Abeipa bie vaw tlôpazy a châ.

AMÔSÂ 1:1

He biezy he Zudâh bei Uzia â bei no nata Zôasâ sawchapaw Zerôbaw Izarei liata â beina daihti, alosih hlâ kô nona liata, Tekô khih liata mietaku vaituhpazy hry liatapa Amôsâ ta Izarei kyh a hmôpazy a châ.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.