2 THÂTIHZYRONA 26:22 - Mara Bible RV (BSI)

²² Uzia hmotaopa hropa zydua cha, âthaona tawhta achhâna taihta, Amôza sawchapawpa hrohsopa Isai ta roh ta.

2 THÂTIHZYRONA 26:22 ပူးပေါင်းရင်းမြစ်များ

2 ABEIZY 19:2

Hezekia ta abei o hyutuhpa Eliakima nata chârohtuhpa Sebanâ nata theihthaipa uhthei viapazy cha latho poh pabusapa ta Amôza sawchapawpa hrohsopa Isai lâ tuah ta.

2 THÂTIHZYRONA 12:15

Rehôbaw thâtih cha âthaona tawhta achhâna taihta, hrohsopa Semiah nata hmôtheituhpa Idô zy ropa thyutôna châbuzy liata ropa a châ. Rehôbaw nata Zerôbaw likawh liata adyuhna y lymâ ta.

2 THÂTIHZYRONA 25:26

Amazia hmotaopa hropazy cha, âthaona tawhta achhâna taihta Zudâh bei nata Izarei beizy thâtih rona châbu liata ropa a châ.

2 THÂTIHZYRONA 26:23

Uzia cha a pathlatuhpazy hnohta a mô ta, “Ano la phawhpa châ tlôh ta,” tah ei ta, a pathlatuhpazy hnohta abeizy thlâsu kiapâh liata ama pabu. A sawchapaw­pa Zôthâ ta ano su liata â bei.

2 THÂTIHZYRONA 32:32

Hezekia hmotaopa hropa zydua nata a hmo pha taopa zydua cha, Amôza sawchapawpa hrohsopa Isai aluahna rona Zudâh nata Izarei Beizy Châbu liata ropa a châ.

2 THÂTIHZYRONA 9:29

Sawlawmaw thâtih hropazy cha âthaona tawhta achhâna taihta, hrohsopa Nâthâ châbu liata zy, Silô chyhsa Ahiza hrohsona châbu liata zy, Nebâ sawchapawpa Zerôbaw kyh liata hrohsopa Idô aluahna châbu liata zy ropa a châ.

ISAI 1:1

He aluahna he Zudâh bei Uzia, Zôthâ, Ahâza nata Hezekia zy amâ bei nota, Amôza sawchapawpa Isai ta Zudâh nata Zerusale kyh liata a hmôpazy a châ.

ISAI 6:1

Bei Uzia a thi kô ta, Abeipa cha beidyuchhai a sâhpa nata a chaluahpa liata â tyu thlâh hapa hmô na ta. A poh rônahpa ta Achhyna o pabie khai ha ta.