2 THÂTIHZYRONA 25:4 - Mara Bible RV (BSI)

⁴ Châhrasala Mawsi Ryhpa Châbu liata, “Sawzy vâta pawzy ama thi awpa châ leipa ta, pawzy vâta sawzy ama thi awpa châ hra vei. Chyhsa to âmo moleina vâta ama thi awpa a châ,” tahpa Abeipa biepiepa hawhta, ama sawzy deikua cha thie vei.

2 THÂTIHZYRONA 25:4 ပူးပေါင်းရင်းမြစ်များ

2 THÂTIHZYRONA 25:5

Amazia ta Zudâh zawpizy awpakhy ta, Zudâh nata Benzami mo zydua cha ama pho zipa ta, pheisaih sâh kha hyutuhpazy ry liata nata za kha hyutuhpazy ry liata soh ta. Kô kih tawhta chô lâ maluh reih ta, asei nata vyhphao a hmâh theipa, chariah a dyuh thei awpa ta atlyhpa zydua cha 300,000 ama châ.

EZEKIA 18:20

Moleina a taotuhpa ta a hrona a pahlei aw. Sawchapaw­pa ta a paw paraona phaoh leipa aw ta, a paw chhao ta a sawchapawpa paraona phaoh aw vei. Mosiapa siana cha mosiapa chô liata y aw ta, moleipa moleina chhao moleipa chô liata a y aw.

EZEKIA 18:4

Pachâ teh u, hrona zydua kei eih sai a châ. Paw hrona kei eih châ ta, sawchapawpa hrona chhao kei eih a châ. Moleina a taotuhpa ta a hrona a pahlei aw.

RYHPACHANEINA 24:16

“Sawzy vâta pawzy thie awpa châ leipa ta, pawzy vâta sawzy thie awpa châ hra vei. Chyhsa to âmo moleina vâ chyu ta thie awpa a châ.