2 THÂTIHZYRONA 25:2 - Mara Bible RV (BSI)

² Abeipa mohmô liata hmo dopa tao ta, châhrasala palôh tlokhuh ta tao vei.

2 THÂTIHZYRONA 25:2 ပူးပေါင်းရင်းမြစ်များ

2 ABEIZY 14:4

Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

2 THÂTIHZYRONA 24:2

Zôasâ cha theihthaipa Zehôdâ hro chhôh zydua cha Abeipa mohmô ta hmo phapa tao ta.

2 THÂTIHZYRONA 25:14

Amazia cha Edômâ mo pahnie ta a vaw kua tawhta, Seirâ mo khazohzy vaw phaoh ta, a khazohzy châta padua ta. Chazy cha a chhy ta, nothlahpazy lâ cha atheihnazy a hlâ.

2 THÂTIHZYRONA 25:3

Abeina biehneina a ku liata â ipa ta a ypa nahta, a chakaotuhpazy hry liata a paw Zudâh bei a thietuhpazy thie khai ta.

2 THÂTIHZYRONA 26:4

A paw Amazia hmotaopa hawhta tao hrapa ta, Abeipa mohmô liata hmo dopa tao ta.

HLAZY 78:37

Ano liata ama palôh a i leipa ta, A biehrai liata ngâ a chhih veih ei.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

HÔSIA 10:2

Ama palôh doleipa vâta, Ama thaileichâna ama phaoh bâ aw. Abeipa ta ama maisâhzy phie aw ta, Ama panana tôhzy a parao aw.

HMOTAOPAZY 8:21

Na palôh phaozie Khazohpa hmiakô liata â doleipa vâta, he hmo liata a hlao hra leipa chi ta, tovyuh chhao hnei va chi.

ZÂMIE 1:8

Ano cha palôh miano a hneipa, a hmotaopa zydua liata a i leipa a châ.

ZÂMIE 4:8

Khazohpa a hnia u la, ano chhao a châ hnia aw ei. Nâmo, moleipa saih u, nama kuzy a si u la, palôh a zawvawpa saih u, nama palôhzy pathai teh u.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.