2 THÂTIHZYRONA 24:18 - Mara Bible RV (BSI)

¹⁸ Abeipa, ama pathlatuhpazy Khazohpa o a heihsaipa ta, Aseri nata khazoh nothlahpazy chakao ei ta. Cha ama thaileichâna vâna chata Zudâh nata Zerusale chô liata pathiiana vaw tlô ta.

2 THÂTIHZYRONA 24:18 ပူးပေါင်းရင်းမြစ်များ

2 SAMUELA 24:1

Abeipa cha Izarei chô liata a pathi ia heih ta, chatanachata âmo patypamâ awpa ta Dâvi cha pasyu ta, a hnohta, “Sie la, Izarei nata Zudâh maluh kei reih teh,” tah ta.

1 ABEIZY 14:23

Âmo chhao heta tlâh sâhpa to liata nata tho hrohpa to ry liata lôbôzy bôpa ta, su sâhpazy nata Aseri tôhzy padua ei ta.

1 ABEIZY 14:9

Nâ deikua cha nâma na y hlâta a vaw y tuapa chyhsa zydua hlâta hmo na parao via pachai. Khazoh hropazy nata nothlahpa leihpazy a tao chi ta, ei hie na pahâh chi ta, hnôh eina chhy ha chi.

2 THÂTIHZYRONA 12:1

Rehôbaw cha a ryureina liahsa a i ta, a tha a vaw tlô nahta, Abeipa ryhpa tleisai ha ta. Ano chhâh a châpa Izarei saw zydua chhao ta Abeipa ryhpa cha tleisai ha hra ei ta.

2 THÂTIHZYRONA 12:2

Abeipa liata ngâ amâ chhih leipa vâta, Bei Rehôbaw abeina kô pangawhna liata, Izi bei Sisâ ta Zerusale kaw siehnao ta,

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

2 THÂTIHZYRONA 21:13

Izarei maw lâ beizy lâpi tlao a chhih chi ta, Ahabâ chhôhkha ta Izarei maw lâ râh sihryhna lâ amâ chhipa hawhta, Zudâh râhsaw nata Zerusale khihsawzy sihryh awpa ta reipasao chi ta, nâma hlâta a pha viapa na paw pathla na unawhzy na thiepa vâta,

2 THÂTIHZYRONA 22:4

Ahabâ chhôhkha taozie hawhta, Abeipa mohmô liata hmo pha leipa tao ta. A paw a thi tawhta, Ahabâ chhôhkha cha Ahazia ryhraokheituhpazy châ ei ta, raona ama patyhsa hapa a châ.

2 THÂTIHZYRONA 24:17

Zehôdâ a thi tawhta, Zudâh chhituhpazy a vy ei ta, abei a vaw naoh ei ta. Abei ta ama bie nathlie ta.

2 THÂTIHZYRONA 24:4

Zôasâ cha bei a châ tawhta Abeipa o tao pathi a chhuah ta.

2 THÂTIHZYRONA 25:15

Chavâta Abeipa cha Amazia chô liata a pathi thata ia ta, ano lâ hrohsopa tuah ta, hrohsopa ta Amazia hnohta, “Khazia na ku tawhta ama chyhsazy a pachha thei leipa phopi khazohzy nâ chhy?” tah ta.

2 THÂTIHZYRONA 28:13

ama hnohta, “He liata seizy namâ vaw ngiakhei awpa châ vei. Eima moleinazy nata eima paraonazy hleikhô ta, Abeipa chô liata eima paraona baichha awpa namâ chhuahpa a châ hih. Moleina ru ngaitapa hnei pi ta, pathiiana ru ngaitapa Izarei chô liata a tlô thlu ha hih,” tah ei ta.

2 THÂTIHZYRONA 29:8

Chavâta Abeipa pathiiana cha Zudâh nata Zerusale chô liata vaw tlô ta, nama mo ta nama hmôpa hawhna heta, chichhihpa nata noâhpa nata hmaotô chie awpa ta a tao ha ei.

2 THÂTIHZYRONA 32:25

Châhrasala Hezekia cha palôh laipa ta y ta, ano châta hmo phapa taopa cha phana ta pie palie leipa ta. Chavâta ano nata Zudâh nata Zerusale chô liata pathiiana vaw tlô ta.

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

PUASAINA 34:12

Na sie nawpa râh liata a pahrâpazy hnohta biehrai tao lei awpa ta a vaih mah y. Chataleipatala nama hry liata khoheih ama châ pathlei aw.

PUASAINA 34:13

Ama maisâhzy pacho aw ei chi ta, ama lôbôzy pakei khaipa ta, ama Aseri tôhzy nama chhawh pachhô khai awpa a châ.

ZEREMIAH 17:2

Tlâhthlôh tho laipa ry to liata ama maisâhzy nata Aseri tôhzy cha, ama sawzy chhao ta ama khazoh achhyna a châzie ama pahno.

HÔSIA 5:14

Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.

EPHESI 5:6

Ahy hmahta hraoleipa bie ta cha dôvei khah ei sy. Cha hmozy vâna chata Khazohpa pathiiana cha ngiapâleipa sawzy chô liata a tlô tyh.

ZAWSUA 22:20

Zerâ sawchapawpa Âkhâ ta pahleipadia awpa hmozy kyh liata biepiepa a paraopa vâta, Izarei zawpi chô liata hiehâhna a vaw tlôpa kha a thei thlâh ha veih ei chi ma? A paraona vâta ano deita a leidia leipa kha,’” tah ei ta.

RYUREITUHPAZY 5:8

Khazoh thiehpazy amâ la nahta, Thokhy chhikaozy liata adyuhna a vaw y tyh. Vyhphao tlyma, asei tlyma, Izarei thy palih hry liata hmô awpa a y ma?

RYUREITUHPAZY 8:33

Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.