2 THÂTIHZYRONA 23:18 - Mara Bible RV (BSI)

¹⁸ Chatawhcha Zehôdâ ta theihthaipazy nata Livai pathlazy chhihthana ry liata Abeipa o vaituhpazy rao ta. Âmo cha Mawsi ryhpa châbu liata ropa hawhta, Abeipa lâta raopa hlânazy hlâ awpa ta, Dâvi ta Abeipa o mohôhtuhpa ta a raopazy châ ei ta, Dâvi biepiepa hawhta, cha rai cha thaphapa nata hlasana chôta a hria awpazy ama châ.

2 THÂTIHZYRONA 23:18 ပူးပေါင်းရင်းမြစ်များ

2 THÂTIHZYRONA 5:5

Abeipa Byh, ahmaohna poh o nata poh o liata hmobaoh pathaihpa zydua a sy ei ta. Chazy cha Livai pathla theihthaipazy ta amâ sy.

2 THÂTIHZYRONA 29:25

Abeipa o liata paotlâzy, tlaipihzy, totâzy tô awpa ta, Livai pathlazy soh ta. Cha cha Dâvi nata abei hrohsopa Kâdâ nata hrohsopa Nâthâ zy biepiepa hawhta taopa châ ta, cha biepiepa cha, a hrohsopazy hmâpa ta Abeipa ta a piepa a châ.

1 THÂTIHZYRONA 23:25

Dâvi ta, “Abeipa, Izarei Khazohpa ta a chyhsazy apahâna pie ta, Zerusale liata chhâzaw ta a pahrâ hapa vâta,

2 THÂTIHZYRONA 29:27

Hezekia ta raopa hlâna cha maisâh liata hlâ awpa ta biepie ta. Raopa hlâna hlâ pathaopa a châpa nahta, chiahmiezy nata Izarei bei Dâvi pyungiapa chhaichhizy tôpa ta, Abeipa lâta hla sa pathao ei ta.

2 THÂTIHZYRONA 30:27

Theihthaipazy nata Livai pathlazy thyu ei ta, zawpizy cha byhnâ awpa ei ta. Ama ao theipa châ ta, ama thlahchhâna cha Abeipa pahrâna vârâh tlô ta.

2 THÂTIHZYRONA 7:6

Theihthaipazy nata Livai pathlazy cha ama su chyu liata a duah ei ta, Abeipa lâ alyna bie reina, “A zawngiahna chhâzaw ta a y,” tahpa hla cha pyungiapa chhaichhizy nata patlapa ta sa ei ta. Âmo dady liata theihthaipazy ta chiahmie tô ei ta, Izarei saw zydua cha a duah thlâh ha ei ta. Cha hla nata pyungiapa chhaichhizy cha Bei Dâvi ta Abeipa reithai nawpa ta a hmâ tyhpa, pyungiapa chhaichhizy chhaota theihthaipazy a pasasa tyhpa hla a châ.

2 THÂTIHZYRONA 29:30

Bei Hezekia nata beimachâzy ta Livai pathlazy cha, Dâvi nata hrohsopa Asâpha phipa reithaina hlazy sa awpa ta biepie ei ta. Thapha ngaitapa ta reithaina hlazy cha sa ei ta, a bôh ei ta, Khazohpa a chhy ei ta.

2 THÂTIHZYRONA 35:2

Theihthaipazy ama raihria awpa chyu rao ta, Abeipa o liata chakaona rai hria awpa ta âmo cha pasyu ta.

EZRÂ 6:22

Thinô pahlao leipa Viahchhâ Kyhchhi cha noh sari chhôh a ly ngaitapa ta hmâh ei ta. Abeipa ta Asuria bei palôh âmo lâ paheisa ta, Izarei Khazohpa o sana liata ama ku tha a patlôpa vâta, Abeipa liata amâ ly ngaita.