2 THÂTIHZYRONA 22:9 - Mara Bible RV (BSI)

⁹ Ahazia cha tlua ta, Samâri liata â nyuna su liata patu ei ta, Zehu lâ a vaw chhi ei ta, a thie haw. “A pathipalôh tlokhuh ta Abeipa a tlua tyhpa Zehôsaphâ samohpa cha tlôh ta,” tah ei ta, a ri deikua cha ama pabu. Chatanachata khinarâh liata ryu a reih thei awpa chyhsa Ahazia pathla tawhta pakha hmah y khao veih ei.

2 THÂTIHZYRONA 22:9 ပူးပေါင်းရင်းမြစ်များ

1 ABEIZY 13:21

Hrohsopa ta Zudâh râh tawhta a vypa Khazohpa chyhsa hnohta, “Abeipa ta hetana heta a tah: ‘Abeipa bie a ngiah leipa chi ta, Abeipa na Khazohpa ta bie a cha piepa zyh leipa chi ta,

1 ABEIZY 14:13

Izarei saw zydua ta ano châta mâchhiesa aw ei ta, ama pabu aw. Zerôbaw pathlazy hry liata, ano lia deita ta Abeipa, Izarei Khazohpa a palysapa hmo phapa hmôpa a châpa vâta, Zerôbaw mo nata sa hry liata ano deita he thlâ liata pabupa a châ aw.

2 ABEIZY 9:34

Zehu cha abei o chhôh lâ a ngia ta, niepa ta, doh ta, “Kha chhiesapa chanô kha kei pasopanô teh u, abei sawchanô pakha châ tlôh ta, kei pabu ha teh u,” tah ta.

2 THÂTIHZYRONA 19:3

Chatahrasala Aseri tôhzy râh tawhta pahleipadia chi ta, Abeipa tluana lâta na palôh na paheipa vâta, phana khazie rakha ma cha na hnei,” tah ta.

2 THÂTIHZYRONA 21:17

Zudâh kaw siehnaopa ta chho ei ta, abei o liata hmo zydua la ei ta, a sawchapawzy nata a lapinôzy chhao amâ chhi khai haw. A sawchapaw seihnaipa Zehôahâ tah leipa ta cha pakha hmah pahlôh leipa ta amâ chhi khai haw.

2 THÂTIHZYRONA 21:20

Zehôrâ cha â bei pathao nota kô sythôh nata kô nopa châ ta, Zerusale liata kô charie a bei ta, a thipa a pasaih leipa y veih ei. Dâvi khihpi liata pabu ei ta, abeizy thlâ su liata deikua châ vei.

2 THÂTIHZYRONA 21:4

Zehôrâ cha a paw beidyuchhai liata a tyuh ta, â beina â i nahta, a unawh zydua cha zaozi ta thie ta, Izarei pawhrâhpa hluhpi chhao thie ta.

2 THÂTIHZYRONA 22:8

Zehu ta Ahabâ chhôhkha chô liata pachiana a patlôsa hai nota, Ahazia chakaotuhpa Zudâh pawhrâhpazy nata Ahazia unawhzy sawchapawzy hmô ta, âmo chhao cha a thie ha ei.

2 THÂTIHZYRONA 24:25

Zôasâ cha hmah thata phaoh ta, Aramia pheisaihzy ta amâ liesai nahta, theihthaipa Zehôdâ sawchapawpa thisaih vâna khata ano chyhsazy tlai ta arulâta tei ei ta, a rakhô liata ama thie haw. Chatanachata Zôasâ cha thi ta, Dâvi khihpi liata pabu ei ta, abeizy thlâ su liata deikua pabu veih ei.

2 THÂTIHZYRONA 25:27

Amazia cha Abeipa â heihsaipa nahta, chyhsa thokha ta ano cha Zerusale liata arulâta tei ei ta, chavâta Lakhi lâ a râ ta. Châhrasala Lakhi lâ cha chadaisa ei ta, cha liata ama thie haw.

2 THÂTIHZYRONA 33:24

A chakaotuhpazy ta arulâta tei ei ta, ano o liata ama thie haw.

ZEREMIAH 29:13

Na tlua aw ei chi ta, nama pathipalôh zydua ta eina tlua ti ei chi ta cha, eina hmô aw ei chi.