2 THÂTIHZYRONA 22:7 - Mara Bible RV (BSI)

⁷ Châhrasala Zôrâ a kei tlypa cha, Ahazia pao nawpa ta Khazohpa raopa vaw châ ta. A tlô nahta, Nimsi sawchapawpa Zehu a tyh awpa ta Zehôrâ hnohta sie ta. Zehu cha Ahabâ chhôhkha chhawh pathlah awpa ta Abeipa raopa a châ.

2 THÂTIHZYRONA 22:7 ပူးပေါင်းရင်းမြစ်များ

1 ABEIZY 12:15

Zawpi bie cha abei ta nathlie khoh vei. Abeipa ta Silô chyhsa Ahiza hmâpa ta Nebâ sawchapawpa Zerôbaw hnohta bie a reipa a vaw tlô thei nawpa ta, Abeipa ta a pataosapa a châ.

1 ABEIZY 12:24

‘Abeipa ta hetana heta a tah: Nama khy awpa châ leipa ta, nama unawhpa Izarei sawzy namâ kaw dyuh awpa châ vei. Nama o chyu lâta a di ha teh u. He bie he keima tawhta a puapa a châ,’ tahpa ta reih teh,” tah ta. Abeipa bie cha thei ei ta, Abeipa bie hawhta, o lâ a di ha ei ta.

1 ABEIZY 19:16

Nisi sawchapawpa Zehu chhao Izarei bei châta sathawthu aw chi ta, Saphâta sawchapawpa Elaisâh cha, nâma su châ thla awpa hrohsopa châta sathaw na thu aw.

1 ABEIZY 22:20

Abeipa ta, ‘Ahabâ cha Ramôkilia lâ pakhysa ta, cha liata pao awpa ta ahy ma a reipasao aw?’ tah ta. Pakha ta hmo miakha reih ta, ahropa ta hmo hropa reih ta.

2 ABEIZY 10:11

Zehu ta Zezari liata Ahabâ chhôhkha laibâhpa zydua, pawhrâhpa zydua, a viasa phapa zydua nata a theihthaipa zydua cha pakha hmah pahlôh leipa ta a thie khai ei.

2 ABEIZY 9:21

Zôrâ ta, “A chhuanoh teh u,” tah ta. A talailih a chhuanoh ei ta. Izarei bei Zôrâ nata Zudâh bei Ahazia cha ama talailih chyu kiapa ta kei pua ei ta, Zehu cha kei dy ei ta, Zezari khihpa Nâbô sadô liata a kei tyh ei ta.

2 ABEIZY 9:27

Zudâh bei Ahazia ta cha cha a hmô nahta, Bethâkâ khih lâ a râ ta. Zehu ta a chadai ta, “Ano chhao kha thie hra teh u,” tah ta. Ibalia khih kiapâh Kurâ lâ khyna liata a talailih liata ka ei ta. Mekidô khih lâ a râ ta, cha liata thi ha ta.

2 THÂTIHZYRONA 10:15

Zawpi bie cha abei ta nathlie khoh vei. Abeipa ta Silô chyhsa Ahiza hmâpa ta Nebâ sawchapawpa Zerôbaw hnohta bie a reipa a vaw tlô thei nawpa ta, Khazohpa ta a pataosapa a châ.

2 THÂTIHZYRONA 22:6

Râmâ liata Aramia bei Hâze nata amâ dyuhna liata a hmahphaopa patlâh awpa ta, Zehôrâ cha Zezari lâ a lie ta. Ahabâ sawchapawpa Izarei bei Zôrâ tlâh leipa cha tly awpa ta, Zehôrâ sawchapawpa Zudâh bei Ahazia cha Zezari lâ sie ta.

HLAZY 9:16

Abeipa cha anosasyh ta a pahnosa ta, Adona ta ryu a reihpa a châ; Moleipazy deikua cha, Âmo khoheih chôpa liata amâ ao tyh. Hikaiô. Selah

BIESOZY 16:9

Chyhsapa palôh ta a lâpi pachâhpady ta, A lâsie a chhituhpa deikua cha Abeipa a châ.

ISAI 46:10

Âthaona tawhta chhâna kyh reih ha na ta, Hmo tao mâh leipazy chhao, Hlâno tawhta hetana heta ei reih haw: ‘Ei ryhraopa a duah aw ta, Ei chhuahpa zydua ei tao khai aw.’

HÔSIA 14:9

“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

MALAKHAI 4:3

Cha hmozy ei tao noh liata cha, moleipazy tlypâ aw ei chi ta, nama pheipazah ry liata buchâh hawhta ama châ aw,” Pheisaihzy Abeipa ta a tah.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.

RYUREITUHPAZY 14:4

A nô nata a paw ta, cha hmo cha Abeipa pachhuahpanohpa a châ tahpa pahno veih ei. Philistinâ mo a dyuh awpa ta Khazohpa ta ryhpaohna a taopa a châ. He daihti he Philistinâ mo ta Izarei chô liata ryu ama rei daihti a châ.