2 THÂTIHZYRONA 22:6 - Mara Bible RV (BSI)

⁶ Râmâ liata Aramia bei Hâze nata amâ dyuhna liata a hmahphaopa patlâh awpa ta, Zehôrâ cha Zezari lâ a lie ta. Ahabâ sawchapawpa Izarei bei Zôrâ tlâh leipa cha tly awpa ta, Zehôrâ sawchapawpa Zudâh bei Ahazia cha Zezari lâ sie ta.

2 THÂTIHZYRONA 22:6 ပူးပေါင်းရင်းမြစ်များ

2 ABEIZY 8:29

Bei Zôrâ cha Aramia bei Hâze amâ dyuhna liata Aramia mo ta Râmâ khih liata hmah ama paphaopa cha, Zezari khih liata a patlâ awpa ta kua ta. Zudâh bei Zehôrâ sawchapawpa Ahazia cha Ahabâ sawchapawpa Zôrâ a pasapa vâta a hmô awpa ta Zezari khih lâ zu ta.

2 ABEIZY 9:15

Bei Zôrâ deikua cha Aramia bei Hâze nata amâ dyuhna liata Aramia mo ta hmah ama paphaopa vâta a patlâ awpa ta Zezari khih lâ a lie ha ta. Zehu ta, “Bei ei châ awpa he nama khohpa tlai a châ khiahta cha, he thâtih he Zezari liata reih awpa ta ahy hmah khihpi ama puasai awpa châ leipa ta, nama parâsa awpa châ hra vei,” tah ta,

2 THÂTIHZYRONA 21:17

Zudâh kaw siehnaopa ta chho ei ta, abei o liata hmo zydua la ei ta, a sawchapawzy nata a lapinôzy chhao amâ chhi khai haw. A sawchapaw seihnaipa Zehôahâ tah leipa ta cha pakha hmah pahlôh leipa ta amâ chhi khai haw.

2 THÂTIHZYRONA 22:1

Arabia mo hnohta riehmo lâ a vypa pheisaihzy ta Zehôrâ sawchapaw uhthei viapa zydua ama thie khai hapa vâta, Zerusale khihsawzy ta a sawchapaw seihnai chaipa Ahazia cha ano su liata bei ta tao ei ta. Chatanachata Zudâh bei Zehôrâ sawchapawpa Ahazia cha a bei ta y ta.

2 THÂTIHZYRONA 22:5

Ama ryhraokheina zipa ta, Ramôkilia liata Aramia bei Hâze a dyuh awpa ta, Ahabâ sawchapawpa Izarei bei Zehôrâ hnohta sie ta. Zôrâ cha Aramia mo ta hmah vaw paphao ei ta.

2 THÂTIHZYRONA 22:7

Châhrasala Zôrâ a kei tlypa cha, Ahazia pao nawpa ta Khazohpa raopa vaw châ ta. A tlô nahta, Nimsi sawchapawpa Zehu a tyh awpa ta Zehôrâ hnohta sie ta. Zehu cha Ahabâ chhôhkha chhawh pathlah awpa ta Abeipa raopa a châ.

ZAWSUA 15:56

Zezari, Zôdia, Zanô,