2 THÂTIHZYRONA 22:5 - Mara Bible RV (BSI)

⁵ Ama ryhraokheina zipa ta, Ramôkilia liata Aramia bei Hâze a dyuh awpa ta, Ahabâ sawchapawpa Izarei bei Zehôrâ hnohta sie ta. Zôrâ cha Aramia mo ta hmah vaw paphao ei ta.

2 THÂTIHZYRONA 22:5 ပူးပေါင်းရင်းမြစ်များ

1 ABEIZY 22:3

Izarei bei ta a chakaotuhpazy hnohta, “Ramôkilia khihpi he keimo eih a châ tahpa pahno thlâh ha tlôhpa ta, khâpa vâta ma Aramia bei ku tawhta chhu leipa ta a chalihsai thlâh hapa ma eima châ tly?” tah ta.

1 ABEIZY 4:13

Bekebe ta Ramôkilia bia â vao. Ano heta Kilia râh liata a ypa Manase sawchapawpa Zairâ khihzy a vao ta, Bâsanâ liata a ypa, Kilia râh liata a ypazy to pâ ta, Bâsanâ râh liata Akaw bia liata thokhy nata dawh chhikao lâhrei a hneipa khihpi rônahpa sycharu â vao ei.

2 ABEIZY 3:1

Zudâh bei Zehôsaphâ kô hrawh hleicharie â bei kô ta, Ahabâ sawchapawpa Zehôrâ cha Izarei chô liata Samâri liata a bei pathao ta, kô hrawh hleino â bei.

2 ABEIZY 8:9

Hâze cha Khazohpa chyhsa a hmô awpa ta sie ta. Kuhria châta Dâmaskâ liata hmo phapa to, râraoseihpa sypalih phao tlai phaopa ta. A tlô nahta, a hmiakô liata a kei duah ta, a hnohta, “Na sawchapawpa Aramia bei Benhadâ ta, ‘He pasana tawh heta ei tlâh thei aw ma,’ tahpa ta cha hiahri awpa ta nâ lâta eina vaw tuah,” tah ta.

2 ABEIZY 9:1

Hrohsopa Elaisâh ta hrohsopa sahlao sawchapawzy hry liata pakha aw ta, a hnohta, “Na chai a saih la, he sathaw byh he na ku ta chaba la, Ramôkilia khih lâ vawh teh.

2 THÂTIHZYRONA 18:3

Izarei maw lâ râh bei Ahabâ ta Zudâh bei Zehôsaphâ hnohta, “Ramôkilia khihpi a dyuh awpa ta ei hnohta na kaw sie hra aw ma?” tah ta. Zehôsaphâ ta, “Nâ nata kei cha miakhapa châ pi ta, na chyhsazy nata ei chyhsazy chhao miakhapa ama châ. Adyuhna lâ cha na hnohta eima sie hra aw,” tah ta.

2 THÂTIHZYRONA 18:31

Talailih pheisaih hyutuhpazy ta Zehôsaphâ ama hmôpata nahta, “Izarei bei a châ huh,” tah ei ta. Ano cha a heihnaopa ta a dyuh ei ta. Zehôsaphâ cha awh ta, Abeipa ta bao ta, a chadaituhpazy cha Khazohpa ta a pakuasa ha ei.

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

2 THÂTIHZYRONA 22:6

Râmâ liata Aramia bei Hâze nata amâ dyuhna liata a hmahphaopa patlâh awpa ta, Zehôrâ cha Zezari lâ a lie ta. Ahabâ sawchapawpa Izarei bei Zôrâ tlâh leipa cha tly awpa ta, Zehôrâ sawchapawpa Zudâh bei Ahazia cha Zezari lâ sie ta.

HLAZY 1:1

Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

DÂNIAH 5:22

Nâ a sawchapawpa Belsâza heta, cha zydua cha na pahno thlâh hana chôta, na palôh a panawh khoh va chi.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”