Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 THÂTIHZYRONA 20:9 - Mara Bible RV (BSI)

9 ‘Eima chô liata chhiena, zaozi ta pachiana tlyma, potlana tlyma, chakâhna tlyma a vaw tlô khiahta cha, he o he na moh yna o a châpa vâta, he o hmiakô liata nata na hmiakô liata a duah aw pi ta, eima nôpona liata cha pado aw pi ta, miah thei aw chi ta, miah na pachha aw.

အခန်းကိုကြည့်ပါ။ ကော်ပီ




2 THÂTIHZYRONA 20:9
13 ပူးပေါင်းရင်းမြစ်များ  

Châ chakaotuhpa nata na phopi Izarei sawzy ta he su lâ a heihpa ta thlah ama chhâ tita, ama hianazy vaw nathlie tyh mah y. Na pahrâna su vârâh tawhta vaw nathlie la, na thei tita, a ngiahthai tyh mah y.


“Na phopi Izarei sawzy ta na chô liata ama moleipa vâta, chariah hmia liata nawh ha ei sala, nâ lâ a vaw heih heihpa ta, na moh a châhkheipa ta, he o liata thlahchhâpa ta ama cha hiah tita,


“Chakâhna tlyma, potlana tlyma, chawhkaraina tlyma, hmyna tlyma, khawsu tlyma, chângyu tlyma râh liata vaw y sala, ama chariahpa ta ama khihpizy dôhpa ta, potlana nata pasana kheihawhpa rai vaw tlô sala,


He râh liata pahrâ ei ta, he liata na moh châta supathaihpa padua ei ta,


Chatanachata he su lâ he a vaw heih la, châ chakaotuhpa ta he su lâ a heihpa ta a thlahchhâna he nathlie la, ‘Cha liata ei moh a y aw,’ na tahna su, he o lâ tlai he chhô nah zâ ta na mo tawpâ thlâh ha mah y.


Abeipa ta, ‘Izi râh tawhta ei phopi Izarei sawzy ei chhi papua noh tawhta, Izarei chizy hry liata kheihawhpa khih hmahta ei moh y nawpa o sa nawpa ta a tlyh beih leipa na ta, ei phopi Izarei chhituhpa châta ahy hmah a tlyh bei hra va na.


Ezrâ cha Khazohpa o hmiakô liata â khu lâta pao ta, chana chôta thlahchhâ ta, moleinazy palâhâh ta reihpha a chei hai nota, Izarei saw hluhpi, chapawzy, chanôzy nata hawtizy ano lâ a vaw hmaoh ei ta, aoh tlili ta cha ei ta.


Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.


Khoheih a chôh thaipazy khoheih tawhta cha pachha aw ta, Potlana chichhihpa tawhta a cha pachha aw.


Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.


Na nah pachôhpa ta, a bie nathlie la, ano cha chakhia khah y. Ei moh ano liata y tlôh ta, chavâta nama paraonazy a ngiahthai aw vei.


Pano tlyma, pathôh tlyma, ei moh ta amâ hmaohna maihta ama hry liata ei y tyh,” tah ta.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ