2 THÂTIHZYRONA 20:7 - Mara Bible RV (BSI)

⁷ Hy eima Khazohpa y, he râh liata a pahrâpazy he, na phopi Izarei hmiakô liata papua chi ta, râh cha na viasa Abarahâ pathlazy hnohta chhâzaw châta na piepa châ vei ma?

2 THÂTIHZYRONA 20:7 ပူးပေါင်းရင်းမြစ်များ

ÂTHAONA 12:7

Abarâ hnohta Abeipa a vaw luah ta, “He râh he na chipathla hnohta ei pie aw,” tah ta. Chavâta a hnohta a vaw luahpa Abeipa châta, cha su liata maisâh padua ta.

ÂTHAONA 13:15

Râh na hmôpa zydua nâma nata na pathlazy hnohta chhâzaw châta ei cha pie aw ei.

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 20:8

He râh liata pahrâ ei ta, he liata na moh châta supathaihpa padua ei ta,

NEHEMIAH 9:8

Na hmiakô liata a palôh ngâchhihpa ta hmô chi ta, chatanachata Kâna mo, Hiti mo, Amawri mo, Perizi mo, Zebu mo nata Kikâsi mozy râh cha a pathlazy pie awpa ta, a hnohta biehrai na tao. Nâ cha asiapa châ chi ta, na bietai a patlôpa na châ.

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 44:3

Ama zaozi ta râh he pahnie leipa ei ta, Ama bâh ta pachhana tlôkhei hra veih ei; Ama chô liata nâ lypa vâta, Na ku chachâh lâ nata nâma bâh tlai ta âmo cha pachha chi ta, Na hmia khaihna ta na pachha ei.

HLAZY 80:8

Izi tawhta kre zôh vaw phaoh chi ta, Phopizy papuapa ta, Ama râh liata na kre zôh na loh.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 33:2

Ei vâlyuhchâpa nama hmia lâta tuah aw na ta, Kâna mo, Amawri mo, Hiti mo, Perizi mo, Hivi mo nata Zebu mozy ei papua aw ei.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

ISAI 41:8

Nâ deikua cha, Hy Izarei, Nâ chakaotuhpa na châ; Hy Zakaw, ei tlyhpa châ chi ta, Ei viasapa Abarahâ chipathla na châ.

ZAWHÂNA 11:11

Cha biezy cha a rei khai nahta, ama hnohta, “Eima viasa Lâzarâh a mô ha ta, â môpa pahra awpa ta ei sie aw,” tah ta.

ZAWHÂNA 15:15

Chakaotuhpa cha tah khao aw veih ei na. Chakaotuhpa ta a zibeipa hmotaopa pahno vei. Viasazy tlao ei cha tah ei. Paw tawhta hmo ei pahnopa zydua nama hnohta ei phuah khai haw.

RYHPACHANEINA 4:38

Nâmo hlâta phopi lai viapa nata thatlô viapazy nama hmia kô liata papua ta, tanoh nama hmôpa hawhna heta, ama râh cha nama ryuto châta cha pie awpa ta a châ kaw chhi ei.

ZÂMIE 2:23

Chatanachata Biehrai ta, “Abarahâ cha Khazohpa a ngiapâ ta, cha ngiapâna cha a siana ta raopa a châ,” a tahpa bie kha vaw tlô ta, Abarahâ cha Khazohpa viasa ta bipa a châ.

ZAWSUA 1:6

“Thatlôpa nata riahphapa ta y teh. He sahlao he ama pathlatuhpazy hnohta pie awpa ta bie ei taihpa râh cha ryu ta na patosa aw ei.

ZAWSUA 23:9

Abeipa ta chi laipa nata thatlôpazy nama hmiakô tawhta papua khai ta, nama hmiakô liata a duah theipa tanoh taihta ahy hmah y veih ei.

ZAWSUA 24:13

Nama hriapasa leipa râh nata nama padua leipa khihpizy cha pie ei na ta, chazy liata pahrâ ei chi ta, nama lo leipa kre sadô nata ôli sadô theizy nama nie.

ZAWSUA 24:3

Nâmo châ pathlatuhpa Abarahâ kha Chavah khô lâ tawhta a vaw chhi na ta, Kâna râh chhôh zydua ei chhihtha. A chipathla papôh na ta, Aisika kha ei pie.