2 THÂTIHZYRONA 20:22 - Mara Bible RV (BSI)

²² Reithaina hla ama sa pathaopa nahta, Abeipa ta Zudâh a dyuh awpa ta a vaw puapa Amawna mo, Mô­abâ mo nata Seirâ Tlâh mo a byh awpazy soh ta, âmo cha ama pahnie haw.

2 THÂTIHZYRONA 20:22 ပူးပေါင်းရင်းမြစ်များ

2 SAMUELA 22:4

Reithai tlâh Abeipa cha pado na ta, Ei chariahpazy tawhta pachhapa ta ei y.

2 ABEIZY 6:17

Chatawhcha Elaisâh cha thlahchhâ ta, “Hy Abeipa y, a hmô thei nawpa ta a mo pavâsa mah y,” tah ta. Abeipa ta chakaotuhpa mo cha pavâsa ta. Tlâh cha mei talailihzy nata arâzy ta biepa ta, Elaisâh ama chadôpa hmô ta.

2 THÂTIHZYRONA 13:13

Châhrasala Zerôbaw ta Rehôbaw pheisaihzy cha ama hnôh lâ tawhta pua thlu awpa ta a pheisaihzy pabyhsa ta. Zerôbaw pheisaih thokha cha Zudâh pheisaihzy hmia lâta y ei ta, thokha ta Zudâh pheisaihzy cha ama hnôh lâ tawhta a byh ei ta.

2 THÂTIHZYRONA 13:15

Zudâh pheisaihzy cha chariah a dyuh awpa ta a pahô pahâhpa ta thata awh ei ta. Zudâh pheisaihzy ta thata ama awh nahta, Khazohpa ta Zerôbaw nata Izarei maw lâ pheisaih zydua cha Abizah nata Zudâh pheisaihzy hmiakô liata panawh ha ta.

2 THÂTIHZYRONA 20:10

Tahmâ he moh tua, Izarei sawzy Izi râh tawhta ama kaw pua nota a dyuh awpa na pasai leipa vâta chahrih ei ta ama pahleipadia leipa Amawna mo, Môabâ mo nata Seirâ Tlâh mozy ta

2 THÂTIHZYRONA 21:8

Ano â beina daihti liata Edômâ ta Zudâh ryureina cha a dyuh ta, ano eih ta bei a tao ei ta.

2 THÂTIHZYRONA 5:13

Chiahmie tôtuhpazy nata hlasatuhpazy cha â raohpa ta, ao kha hawhta ao papuapa ta, Abeipa reithaipa ta alyna hla sa ei ta. Hla a vaw puapa nahta, chiahmie pyu, paotlâ pyu nata pyungiapa chhaichhi pyu hropazy vaw pua ta, “Ano cha pha ta, A zawngiahna cha chhâzaw ta a y aw,” tahpa ta Abeipa ama reithai nahta, Abeipa o cha meihdo ta vaw bi ha ta;

HLAZY 18:4

Thina chaorizy ta na chazeipa ta, Raona tily ta na phaoh ta,

ISAI 19:2

Izi mo a dyuh awpa ta Izi mo lilaw pathyu aw ei na ta, Âmo nata âmo amâ dyuh aw; Pakha nata pakha a dyuh aw ei ta, Opa nata opa amâ dyuh aw; Khihpi nata khihpi a dyuh aw ei ta, Khinarâh nata khinarâh amâ dyuh aw.

EZEKIA 38:21

Kawkâ a dyuh awpa ta, ei tlâhpi zydua chô liata zaozi pahmaoh aw na ta, chyhsa to zaozi ta a unawhpa â dyuh aw, Abeipa Zehôvâh ta a tah.

ZAWSUA 6:16

Ei sarina ama chahlô nahta, theihthaipazy ta chiahmie tô ei ta, Zawsua ta zawpi hnohta, “Awh teh u, Abeipa ta khihpi he a cha pie ha ei.

RYUREITUHPAZY 7:22

Kidia pheisaihzy ta chiahmie 300 ama tô nahta, Abeipa ta Midia pheisaih zydua cha âmo nata âmo pathyuhnaosa ta, zaozi ta a chhawh chaimâh ei ta. Zererâ lâchhâh ta a ypa Besitâ taihta a râpaipa ta, Tâbâ kiapâh ta a ypa Abemehôlâ râhri taihta a râpai ei ta.

1 SAMUELA 14:16

Benzami râh Kibia liata Sawla riahvaituhpazy ta mohmia pasaih ei ta, zawpizy cha su to lâta a râpaipa ta ama ypa hmô ei ta.

1 SAMUELA 14:20

Sawla nata a pheisaih zydua cha a hmaohpakhy ei ta, adyuhna lâ pua ei ta. Philistinâ mo cha thata a tymâ ei ta, âmo nata âmo ta zaozi ta a chhawh chaimâh ei ta.