18 Zehôsaphâ cha a hmia alei lâ a khupa ta a bôh ta, Zudâh mo zydua nata Zerusale khihsaw zydua Abeipa hmiakô liata pao ei ta, Abeipa cha a chhy ei ta.
Izarei saw zydua ta avâ tawhta mei a za tlapa nata Achhyna o chô liata Abeipa rônahna cha ama hmô nahta, lôphia phawpa siphiah chô liata ama hmia alei lâ a khupa ta a bôh ei ta, “Abeipa cha pha ta, A zawngiahna chhâzaw ta a y aw,” tahpa ta Abeipa cha a chhy ei ta, ano lâ alyna bie ama reih.
Ezrâ ta Abeipa, Khazohpa rônahpa cha reithai ta, zawpi zydua ta ama bâh avâ lâ chaluahpa ta, “Amen, Amen,” tahpa ta a chhy ei ta. Ama luh a bôh ei ta, ama hmia alei lâ a khupa ta Abeipa a naoh ei ta.
Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.