2 THÂTIHZYRONA 2:8 - Mara Bible RV (BSI)

⁸ Na chyhsazy cha Lebanaw thozy ama thlu thai kaw tahpa pahno na ta, chavâta Lebanaw sidy thozy, meisah thozy, alaku thozy chhao na vaw paphao mah y. Ei chyhsazy ta na chyhsazy cha ama kaw hriakhei aw.

2 THÂTIHZYRONA 2:8 ပူးပေါင်းရင်းမြစ်များ

1 ABEIZY 10:11

Ôphi tawhta ngôh a vaw phaoh tyhpa Hirâ balyhzy ta Ôphi tawhta almu tho hluhpi nata lôsôhpazy chhao vaw phaoh ei ta.

1 ABEIZY 5:6

Chavâta Lebanaw sidy thozy na thlupa awpa ta biepie mah y. Nâ chakaotuhpazy chhao châ chakaotuhpazy hry liata a vaw hlao aw ei ta, châ chakaotuhpazy hlao cha na reipa hawhta ei cha pie aw. Sidaw mo hawhta tho a thlu thaipa eima hry liata y veih ei tahpa na pahno,” tah ta.

1 THÂTIHZYRONA 22:5

Dâvi ta, “Ei sawchapawpa Sawlawmaw cha hawtipa châ ta, hmo yzie pahno tu mâh leipa ta, Abeipa châta o sa awpa hra cha, râh zydua liata a pathâhpa o laipa nata rônahpa a châ awpa châ tlôh ta. Chavâta Khazohpa o sa nawpa cha kei ta ei chhuanoh chhielie aw,” tah ta. Chatanachata Khazohpa o sa nawpa chhaichhi zydua cha Dâvi ta a thi hlâta â chhuanoh khai haw.

2 THÂTIHZYRONA 2:9

O ei sa awpa he o rônahpa nata noâhchhihpa a châ awpa vâta, tho hluhpi patohpatia awpa â ngiah.