2 THÂTIHZYRONA 2:6 - Mara Bible RV (BSI)

⁶ Châhrasala Zehôvâh Khazohpa cha avâ liata â tlôh leipa ta, avâ a sâh chaipa liata chhao â tlôh leipa châ tlôh ta, ahy ma a y nawpa o a sapa thei aw? A hmiakô liata atheihna hlâna rao nawpa châta tah leipa ta cha, kei bao hra heta o cha ei sapa thei aw ma?

2 THÂTIHZYRONA 2:6 ပူးပေါင်းရင်းမြစ်များ

2 SAMUELA 7:18

Chatawhcha Bei Dâvi cha a ngia ta, Abeipa hmiakô liata a tyuh ta, a hnohta, “Hy Abeipa Zehôvâh y, ahy ma châ na ta, ei chhôhkha he khâpa châ ta ma, he taih heta einâ vaw chhi chi tly?

1 ABEIZY 7:13

Bei Sawlawmaw ta chyhsa tuah ta, Tyre khihpi tawhta Hirâ a vaw chhi ei ta.

1 ABEIZY 7:14

Hirâ cha Nâthalai chi nôhmei sawchapawpa châ ta, a paw cha Tyre khihpa, dawh a daih thaipa a châ. Sona nata novâhna ta a biepa chyhsa châ ta, dawh daina kyh liata kheihawhpa rai a tao thaipa, zôthai ngaitapa a châ. Hirâ cha Bei Sawlawmaw lâ a vy ta, a rai zydua a hriapa lymâ.

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 THÂTIHZYRONA 22:15

Raihriatuhpa hluhpi na hnei. Alô a patlaw thaipazy, alô a khai thaipazy, tho zôthaipazy nata zôthaipa chi nanopazy rei tiah lei na hnei.

1 THÂTIHZYRONA 29:14

“Ahy ma châ na ta, ei chiheihzy chhao he ahyzy ma châ ei ta, he hawhta keimo kho tlai ta hmopiepazy eima vaw hlâ thei tly? Hmo to nâ tawhta eima hmôpa châ ta, na eih eima cha pie lilaw heihpa dei a châ.

2 THÂTIHZYRONA 1:10

Chavâta he phopi hmiakô liata ei pua nawpa nata ei ngia nawpa châta a ngiahpa sona nata novâhna na pie mah y. Chataleipatala he tlu ta a hluhpa na phopi chô liana he ahy ma ryu a reih thei aw?” tah ta.

2 THÂTIHZYRONA 6:18

“Châhrasala Khazohpa cha alei chô liata chyhsapa hry liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha, nâ tlôh lei pachai aw dia!

PUASAINA 3:11

Mawsi ta Khazohpa hnohta, “Phiraoh lâ zu ta, Izarei sawzy Izi râh tawhta a chhi papua awpa ta, kei he ahy ma ei châ tly?” tah ta.

PUASAINA 31:5

lôsôhpazy daih ta pangaih thaina zy, tho khie thaina nata kuzô thaina to hnei awpa ta, Khazohpa Thlahpa ta ei pabie.

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

ZEREMIAH 23:24

“Ei hmô thei lei nawpa ta, su nyupazy liata a nyu theipa ama y ma?” Abeipa ta a tah. “Avâ nata alei he kei ta bie thlâh ha va na ma?” Abeipa ta a tah.

2 KAWRINI 2:16

py kha châta thina tawhta thina lâ ropahâhpa châ pi ta, py hropa châta hrona tawhta hrona lâ ropahâhpa eima châ. Chazy châta ahy a tloh thei aw?

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:14

Nama raopa hlânazy cha, nama chizy hry tawhta Abeipa ta â tlyh awpa chi pahrâna su liata hlâ tyh aw ei chi ta, cha liata nama hnohta ei biepiepa zydua nama tao tyh aw.

RYHPACHANEINA 12:26

Nama hlâ awpa hmo pathaihpazy nata pie awpa ta bie namâ taihpazy deikua cha cheih aw chi ta, Abeipa ta su a rao awpa lâ nama sie aw.