2 THÂTIHZYRONA 2:5 - Mara Bible RV (BSI)

⁵ Keimo Khazohpa cha khazoh zydua hlâta rônah chaipa a châpa vâta, o ei sa awpa chhao o rônah ngaitapa a châ aw.

2 THÂTIHZYRONA 2:5 ပူးပေါင်းရင်းမြစ်များ

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 ABEIZY 9:8

He o he raona a pachona a châ aw. A chapiapa maihta noâhpa ta ama hmaotô chie aw ei ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

1 THÂTIHZYRONA 16:25

Abeipa cha rônah ta, Thata reithai awpa châ ta, Khazoh zydua hlâta chi chai awpa a châ.

1 THÂTIHZYRONA 29:1

Chatawhcha Bei Dâvi ta zawpi ahmaohpakhypa zydua hnohta, “Ei sawchapawpa Sawlawmaw he, ano deita he Khazohpa ta â tlyhpa châ ta, châhrasala hawtipa a châ chypa vâta hmo pahno tu mâh vei. O rônahpa sa awpa cha chyhsapa châta châ leipa ta, Zehôvâh Khazohpa châta a châpa vâta rai lai ngaitapa châ ta.

1 THÂTIHZYRONA 29:14

“Ahy ma châ na ta, ei chiheihzy chhao he ahyzy ma châ ei ta, he hawhta keimo kho tlai ta hmopiepazy eima vaw hlâ thei tly? Hmo to nâ tawhta eima hmôpa châ ta, na eih eima cha pie lilaw heihpa dei a châ.

2 THÂTIHZYRONA 2:9

O ei sa awpa he o rônahpa nata noâhchhihpa a châ awpa vâta, tho hluhpi patohpatia awpa â ngiah.

2 THÂTIHZYRONA 29:11

Ei saw saih u, diathlâpa ta y khuh vy. Abeipa ta a hmiakô liata a duah ta, ano chakao ta, ano châta chakaotuhpazy châpa ta, atheihnazy hlâ awpa ta a châ tlyh ei hih,” tah ta.

2 THÂTIHZYRONA 6:18

“Châhrasala Khazohpa cha alei chô liata chyhsapa hry liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha, nâ tlôh lei pachai aw dia!

HLAZY 135:5

Abeipa cha a rônah tahpa pahno na ta, Eima Beipa cha khazoh zydua chô lâta a ypa a châ tahpa ei pahno.

HLAZY 145:3

Abeipa cha rônah ta, Rônahpa ta reithai awpa a châ; A rônahzie cha, A laichadai khai thei rimâ awpa châ vei.

HLAZY 148:4

Avâ a sâh chaipazy saih u, Ano cha reithai u la; Avâ chô liata ti a ypazy saih u, Ano cha reithai teh u!

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 18:11

Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

ZEREMIAH 10:6

Hy Abeipa, nâ hawhpa he ahy hmah y veih ei; Nâ cha rônahpa châ chi ta, Thatlôna liata mohpathâhpa na châ.

EZEKIA 7:20

Tâkâ nata ngôh atobina a ngiapazy cha, apalaina châta hmâh ei ta, tâkâ nata ngôh hmâpa ta, ama nothlahpa pasichhihpazy nata ama hmo pasichhihpazy ama tao. Chavâta chazy cha âmo châta hmo pathaih leipa ta ei tao haw.

1 TIMAWTHY 6:15

Reithai tlâh Khazohpa nata ato chô liata biehneituhpa a y chhôhpa, beizy Beipa nata zibeizy Zibeipa ta eima Beipa Zisu Krista cha a daihtita liata a vaw paluahsa aw.