2 THÂTIHZYRONA 2:10 - Mara Bible RV (BSI)

¹⁰ Na chyhsa tho thlutuhpazy cha âtâ viahdie bai 20,000, bâli sâh bai 20,000, kresawhti rahô 20,000 nata sathaw rahô 20,000 ei pie aw ei,” tah ta.

2 THÂTIHZYRONA 2:10 ပူးပေါင်းရင်းမြစ်များ

1 ABEIZY 5:11

Sawlawmaw ta Hirâ chhôhkhazy nie awpa ta sâh kachu 20,000 nata sathaw chariehpa kachu 20,000 a pie. Cha hawhna chata Sawlawmaw ta Hirâ cha kô chareih ta a pie lymâ.

1 ABEIZY 7:26

Tipâh cha pazah tie chha ta, nyu tlâh hawhta a tlâh taopa châ ta, lilipaw lyupa ta taopa a châ. Tibyh 2,000 â tlôh.

1 ABEIZY 7:38

Chatawhcha dawh biebuh miahrawh tao ta. Biebuh cha a chhôh dy palih a thupa châ ta, kachu sypalih â tlôh. Patyuna miahrawhzy châta biebuh miakha chyu taopa a châ.

1 THÂTIHZYRONA 14:2

Dâvi ta Abeipa ta Izarei chô liata bei ta ano cha padua ta, a phopi Izarei vâta a khinarâh chhao thata cheihchalopa ta a y tahpa pahno ta.

2 THÂTIHZYRONA 2:15

Chavâta ei zibeipa reipa âtâ sâh, bâli sâh, sathaw nata kresawhti zy cha, ei zibeipa ta a chakaotuhpazy lâ kaw paphao mawh sy.

2 THÂTIHZYRONA 2:9

O ei sa awpa he o rônahpa nata noâhchhihpa a châ awpa vâta, tho hluhpi patohpatia awpa â ngiah.

2 THÂTIHZYRONA 9:8

Na chô liata a ly ta, ano châta bei châ awpa ta a beidyuchhai liata châ patyutuhpa Abeipa na Khazohpa cha reithaipa ta y maw sy! Na Khazohpa ta Izarei he kyhpachâ ta, chhâzaw châta a padua khohpa vâta, ryureina dopa nata siana ta ryu na reih thei nawpa ta, ama chô liata bei ta a cha tao hih,” tah ta.

EZRÂ 3:7

Chavâta lô nata tho raihria liata zôthaipazy hnohta sôh pie ei ta. Persia bei Kôresâ pasaina hawhta, Lebanaw tawhta tilaipi kiah liata Zôpâ khihpi taihta sidy tho vaw phao awpa ta, Sidaw mo nata Tyre mozy cha nie awpazy, do awpazy nata sathawzy ama pie.

EZRÂ 7:22

Tâkâ talent 100, sâh bai 100, kresawhti tibyh 100, sathaw tibyh 100 nata alôh zy a mâ leipa ta nama vaw pie lymâ aw.

LUKA 10:7

Cha o liata y u la, ama cha piepa maih niepa ta doh muh vy. Raihriatuhpa cha hlao hmô tlâh a châ. O kha tawhta o hro lâ namâ pasie awpa châ vei.