2 THÂTIHZYRONA 2:1 - Mara Bible RV (BSI)

¹ Sawlawmaw ta Abeipa moh châta Achhyna o nata abei o sa a chhuah ta.

2 THÂTIHZYRONA 2:1 ပူးပေါင်းရင်းမြစ်များ

1 ABEIZY 5:15

Sawlawmaw ta hmo a phaohpa 70,000 nata alô a khaipa 80,000 tlâh râh liata a hnei.

1 ABEIZY 5:5

Abeipa ta ei paw Dâvi hnohta, ‘Na sawchapawpa, nâma châ thla awpa ta na beidyuchhai liata ei patyusapa ta ei moh châta o cha a sa aw,’ tahpa ta a vaw rei hapa hawhta, tahmâ Abeipa ei Khazohpa moh châta o sa awpa ei chhuah.

1 ABEIZY 7:1

Sawlawmaw ta ano o chhao sa ta, kô hrawh hleithôh a sa tawhta o cha palohpa a châ.

1 ABEIZY 8:18

Châhrasala Abeipa ta ei paw Dâvi hnohta, ‘Ei moh châta o sa khona palôh hnei chi ta, cha hawhpa palôh na hneipa cha na tao pha na.

1 ABEIZY 8:20

Abeipa ta a bietai cha tahmâ a patlô haw. Abeipa ta bie â vaw taipa hawh tlai ta, ei paw Dâvi su liata kei a duahpa ta, Izarei beidyuchhai liata a tyuh na ta, Abeipa, Izarei Khazohpa moh châta o cha ei sa haw.

1 ABEIZY 9:1

Sawlawmaw ta Zehôvâh Khazohpa o nata abei o cha sa khai ta, o a sa khohpa zydua a paloh khaipa nahta,

1 THÂTIHZYRONA 22:10

Ano ta ei moh châta o a sa aw. Ano cha ei sawchapawpa châ aw ta, kei a paw ei châ aw. Â beina beidyuchhai cha Izarei râh liata chhâzaw châta ei padua aw,’ tahpa ta na chho ha ta.

2 THÂTIHZYRONA 1:17

Talailih miakha ta tâkâ sekel 600, arâ pô kha ta tâkâ sekel 150 lymâ ta Izi râh lâ za chalei tyh ei ta, âmo tawhta Hiti bei zydua nata Aramia beizy lâta ama zuah pachhuah tyh.

2 THÂTIHZYRONA 2:12

Hirâ ta reih lymâ ta, “Avâ nata alei a taotuhpa Izarei Khazohpa Zehôvâh cha reithaipa ta y sala, Zehôvâh Achhyna o nata abei o sa awpa ta patohpatia thaina nata novâhna a hneipa sawchapaw so ngaitapa Dâvi hnohta a pietuhpa cha reithaipa ta y mawh sy.

RYHPACHANEINA 12:11

Hmohlâpa kyh liata nama hnohta ei biepiepa zydua, nama raopa hlânazy, namâ theihnazy, nama su hrawh su khazy, nama chalopa hlânazy nata Abeipa lâta bie namâ taihpa hmo phapazy cha, Abeipa nama Khazohpa ta a moh y nawpa ta â tlyh awpa su liata nama hlâ tyh aw.

RYHPACHANEINA 12:5

“Abeipa nama Khazohpa ta nama chi zydua hry liata a moh y nawpa ta â tlyhpa, a pahrâ nawpa su tlua aw ei chi ta, cha su lâ cha nama pangai tyh aw.

RYHPACHANEINA 28:58

“Abeipa nama Khazohpa moh rônahpa nata chichhihpa nama chi thei nawpa ta, he châbu liata â rohpa ryhpa bie zydua he zyh leipa ta nama tao vei khiahta cha,