2 THÂTIHZYRONA 19:8 - Mara Bible RV (BSI)

⁸ Cha dei châ vei, Zehôsaphâ ta Zerusale khihpi liata Abeipa châta pachiana tao awpa nata biepeipazy paryh awpa ta Livai pathlazy nata theihthaipazy nata Izarei chhôhkha pawhrâhpazy rao ta.

2 THÂTIHZYRONA 19:8 ပူးပေါင်းရင်းမြစ်များ

1 THÂTIHZYRONA 23:4

Dâvi ta, “Livai pathla 24,000 zy cha Abeipa o sana liata hyutuhpazy châ aw ei ta, 6,000 Abeipa o liata hyutuhpazy nata ryureituhpazy châ aw ei ta,

1 THÂTIHZYRONA 26:29

Izah pathlazy tawhta Khenaniah nata a sawchapawzy cha, Achhyna o raihriazy piepa châ leipa ei ta, Izarei râh chakaona rai hria awpa ta hyutuhpa nata ryureituhpazy ta raopa ama châ.

2 THÂTIHZYRONA 19:11

Nathlie teh u, Abeipa kyh zydua liata, theihthai beipa Amaria cha nama hyutuhpa châ ta; abei kyh zydua liata, Zudâh chi hyutuhpa Ismela sawchapawpa Zebadiah cha hyutuhpa châ ta; Livai pathlazy chhao nama hyutuhpa châpa ta ama cha chakao aw. Riahphapa ta hria u la, Abeipa cha chyhsa phapazy hnohta y mawh sy!” tah ta.

2 THÂTIHZYRONA 19:9

Ama hnohta, “Abeipa china chôta, ngâchhihpa nata pathipalôh tlokhuh ta ryu nama reih awpa a châ.

HLAZY 122:5

Cha liata ryureina beidyuchhaizy patyupa châ ta, Dâvi pathla beidyuchhaizy patyupa a châ.

EZEKIA 44:24

“Lyuh atuana a y tita, pachiatuhpa rai hria aw ei ta, ei pachiazie hawhta ama pachia awpa a châ. Kyhchhi ei raopazy liata, ei ryhpazy nata ei bieraopazy ama zyh awpa châ ta, ei pahânohzy ama pathaisa awpa a châ.

RYHPACHANEINA 21:5

Chatawhcha Livai sawchapaw theihthaipazy hmia lâ ama vaw pua aw. Âmo cha Abeipa nama Khazohpa ta ano chakao awpa nata Abeipa moh ta byhnâ aw awpa ta a raopazy ama châ. Chavâta biepeipa nata atudaina kyhzy cha âmo pachiazie hawhta a châ aw.

RYHPACHANEINA 25:1

“Chyhsazy ta ama likah liata biepeipa ama hnei khiahta cha, ryureina lâ tlôkhei aw ei ta, ryureituhpazy ta ama pachia aw. Mosiapa cha thai pachâsa aw ei ta, moleipa cha thailei ama pachâsa aw.