2 THÂTIHZYRONA 19:6 - Mara Bible RV (BSI)

⁶ Ryureituhpazy hnohta, “Nama hmotaopazy pakhâta ta pachâ u la, tao tyh muh vy. Chyhsapa châta ryu a reihpa châ leipa ei chi ta, Abeipa châta ryu a reihpa nama châ. Ryureina liata Abeipa nama hnohta â hlao lymâ.

2 THÂTIHZYRONA 19:6 ပူးပေါင်းရင်းမြစ်များ

1 THÂTIHZYRONA 28:10

A chado kaw mah y. Supathaihpa châta o sa awpa ta, Abeipa ta a cha rao. Thatlôpa ta y la, hria mah y,” tah ta.

BIECHHOTUHPA 5:8

Dyhchhiepazy tlybaipa ta ama ypa nata adona nata siana zy thachahra hmâpa ta pahleipa a châzie zy bia liata na hmô khiahta cha, cha kyh liata na noâh khah sy. Hyutuh laipa cha ano hlâta a sâh viapa ta mohpathli ta, âmo pano chô lâta chhao hyutuhpa a sâh viapazy ama y heih.

THEIHTHAINA 19:15

“Ryureina liata â doleipa ta nama pachia awpa châ vei. Dyhchhiepa na khokhei via awpa châ leipa ta, chyhsa hmotaotheipa hmia na mo via awpa châ hra vei. Siana ta na vaih na pachia awpa a châ.

LUKA 12:15

Ama hnohta, “A chado u la, uahvana kheihawhpa lia rai ta a vaih teh u. Sôh hluhpi hneipa he chyhsapa hrona chhâpa châ vei,” tah ta.

LUKA 21:8

Zisu ta, “Ama cha dôvei lei nawpa ta a vaih teh u. Chyhsa hluhpi ei moh ta a vy aw ei ta, ‘Ano cha ei châ!’ ‘A daihti a tlô daihmâ haw!’ ama tah aw. Cha chyhsazy cha zi khuh vy.

HMOTAOPAZY 22:26

Cha bie cha pheisaih za kha hyutuhpa ta a thei nahta, pheisaih hyutuhpa lâ vawh ta, a hnohta, “Na tao awpa he pachâ pasia mah y. He chyhsa he Rawma chyhsa a châ,” tah ta.

HMOTAOPAZY 5:35

Ryureituhpazy hnohta, “Nâmo, Izarei mo saih u, he chyhsazy chô liata hmotao namâ chhuahpa liata a chado teh u.

RYHPACHANEINA 1:17

Ryureina liata thlua hlei nama hnei awpa châ vei. Mochyhpa nata molaipa bie â lyupa ta nama nathlie awpa châ ta, ahy hmia hmah nama moh awpa châ vei. Ryureina cha Khazohpa eih a châ. Nama châta bie rupa cha ei hnohta vaw tlôkhei tyh aw ei chi ta, kei ta ei pachia tyh aw,’ tah na ta.

ZAWSUA 22:5

Abeipa chakaotuhpa Mawsi ta bie a cha piepa hawh ei ta, Abeipa nama Khazohpa cha a kyh pachâ ta, a lâpi zydua a chhihpa ta, a biepiepazy zyh ta, ano cha khâchâ patupa ta, nama pathipalôh tlokhuh ta nata nama thlahpa tlokhuh ta ano chakao awpa ta biepiepa nata ryhpazy pakhâta ta nama zyh awpa a châ,” tah ta.