2 THÂTIHZYRONA 19:4 - Mara Bible RV (BSI)

⁴ Zehôsaphâ cha Zerusale liata pahrâ ta. A chyhsazy tly awpa ta pua ta, Besebâ tawhta Epharai tlâh râh taihta chahryh ta. A chyhsazy cha Abeipa, ama pathlatuhpazy Khazohpa lâ a chhi heih ta.

2 THÂTIHZYRONA 19:4 ပူးပေါင်းရင်းမြစ်များ

ÂTHAONA 21:14

Chatanachata Abarahâ cha mydi kari ta thyu ta, viahchhâ nata savo titheih la ta, Hâkarâ pie ta, a ngiatlâh liata khaih ta, hawtipa nata pasiesa ha ta. Hâkarâ cha sie ta, Besebâ râhchawhpa liata viavipa ta a khiekhâ ta.

ÂTHAONA 21:33

Abarahâ ta Besebâ liana cha Tamâri tho loh ta, cha liata Abeipa, Chhâzaw Khazohpa moh pado ta.

MALAKHAI 4:6

Ano chata pawzy palôh cha ama sawzy lâta paheisa aw ta, sawzy palôh chhao ama pawzy lâta a paheisa aw; chataleipata la, a vy aw na ta, râh he chhiesapa ta ei parao pathlei aw na,” Pheisaihzy Abeipa ta a tah.

MATHAI 25:16

Talent miapangawh a vaotuhpa cha thlai sie ta, talent â vaopazy hmâpa ta sôh palie ta, talent miapangawh hropa papôhsa ta.

LUKA 1:17

Elaizâh thlahpa nata hmotaotheina ta Khazohpa hmiakô liata sie aw ta, pawzy palôh cha sawzy lâta paheisapa ta, reingiah leipazy cha mosiapazy sona lâta paheisa aw ta, phopi pachhuahpanohpa cha Abeipa châta a mâ chiehpa ta a tao aw,” tah ta.

ZAWSUA 17:15

Zawsua ta ama hnohta, “Cha hawhta maluh hluh ngaitapa chipho châ u la, Epharai tlâh râh cha nama châta a buah tu khiahta cha, nâmo tlai ta Perizi mo nata Rephai mo râh lâ khy u la, ama râhmâhpazy khi nama y nawpa ta kaw pathai muh vy,” tah ta.

RYUREITUHPAZY 19:1

Cha daihtizy liata, Izarei liata bei ama y lei nota, Livai chi pakha cha Epharai tlâh râh chhâna lâ liata pahrâ ta, Zudâh râh Bethlehe zuah cha nôtho ta hnei ta.

RYUREITUHPAZY 20:1

Izarei saw zydua, Dânâ tawhta Besebâ taihta, Kilia râh chhao a hlaopa ta pua ei ta, reih kha tlapa ta Mizpâ khih liata Abeipa hmiakô ta a hmaoh ei ta.