2 THÂTIHZYRONA 19:2 - Mara Bible RV (BSI)

² Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

2 THÂTIHZYRONA 19:2 ပူးပေါင်းရင်းမြစ်များ

1 ABEIZY 16:1

Bâsâ kyh liata Hânani sawchapawpa Zehu hnohta Abeipa bie vaw tlô ta,

1 ABEIZY 16:12

Bâsâ kyh liata, Abeipa ta hrohsopa Zehu hmâpa ta a vaw rei hapa bie hawhta, Zimri ta Bâsâ chhôhkha zydua cha a pahleipadia khai hapa a châ.

1 ABEIZY 16:7

Bâsâ cha Abeipa mohmô ta moleina hmozy tao ta, a hmotaopazy chata Abeipa pathi pa-ia ta, Zerôbaw chhôhkha lyupa ta, Zerôbaw chhôhkha cheingei chhao cha a pahleipadiapa vâ ei ta, Bâsâ nata a pathlazy kyh liata, Hânani sawchapawpa hrohsopa Zehu hmâpa ta Abeipa bie kha a vaw tlôpa a châ.

1 ABEIZY 21:25

A lapinô Zezebel pasyupalipa ta Abeipa mohmô liata hmo pha leipa tao awpa ta âzuahpa Ahabâ hawhpa he ahy hmah y veih ei.

1 ABEIZY 22:44

Zehôsaphâ cha Izarei bei nata chhao adyhna tao ta.

2 THÂTIHZYRONA 16:7

Cha nota hrohsopa Hânani cha Zudâh bei Âsâ la a vy ta, a hnohta, “Abeipa na Khazohpa liata a pahnieh leipa chi ta, Aramia bei liata nâ pahniehpa vâta, Aramia bei pheisaihzy na ku tawhta ama pua haw.

2 THÂTIHZYRONA 18:1

Zehôsaphâ cha thata vaw hneirôh ta, palyupalihna chhao thata hlao ta. Nôvah ahneina lâ tawhta Ahabâ nata azaokhina tao ta.

2 THÂTIHZYRONA 18:28

Chatanachata Izarei bei nata Zudâh bei Zehôsaphâ cha Ramôkilia khihpi lâ khy ei ta.

2 THÂTIHZYRONA 18:3

Izarei maw lâ râh bei Ahabâ ta Zudâh bei Zehôsaphâ hnohta, “Ramôkilia khihpi a dyuh awpa ta ei hnohta na kaw sie hra aw ma?” tah ta. Zehôsaphâ ta, “Nâ nata kei cha miakhapa châ pi ta, na chyhsazy nata ei chyhsazy chhao miakhapa ama châ. Adyuhna lâ cha na hnohta eima sie hra aw,” tah ta.

2 THÂTIHZYRONA 18:7

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw. Keima kyh liata a phana lâta hrohsona bie reih beih vei, a chhiena lâ sai ta khâ a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

2 THÂTIHZYRONA 19:1

Zudâh bei Zehôsaphâ cha â bohpa ta Zerusale liata a o a tlô nahta,

2 THÂTIHZYRONA 19:10

Khihpizy liata a ypa nama chiheihzy ta thisaih palona kyh liata tlyma, ryhpa kyh liata tlyma, biepiepa kyh liata tlyma, bieraopa kyh liata tlyma, pachiana kyh liata tlyma, nama hnohta biepeipa ama vaw tlôkhei tita, Abeipa hmiakô liata thaileichâpa ta ama y lei nawpa nata nâmo nata nama chiheihzy chô liata Khazohpa pathiiana a vaw tlô lei nawpa ta, zikyu namâ râ awpa a châ. Cha hawhta tao u la, thailei châ aw veih ei chi.

2 THÂTIHZYRONA 20:34

Zehôsaphâ thâtih hropazy cha, âthaona tawhta achhâna taihta, Hânani sawchapawpa Zehu châbu liata ropa châ ta, chazy cha Izarei beizy thâtih rona châbu liata ropa a châ.

2 THÂTIHZYRONA 24:18

Abeipa, ama pathlatuhpazy Khazohpa o a heihsaipa ta, Aseri nata khazoh nothlahpazy chakao ei ta. Cha ama thaileichâna vâna chata Zudâh nata Zerusale chô liata pathiiana vaw tlô ta.

2 THÂTIHZYRONA 26:18

Bei Uzia cha pakhâ ei ta, a hnohta, “Uzia y, Abeipa châta ropahâhpa rao awpa cha nâma tao awpa châ vei. Ropahâhpa rao awpa ta pananopa Arawna pathla theihthaipazy tao awpa a châ. Supathaihpa tawhna heta pua ha mah y. Hmo parao chi ta, na hmo taopa he Zehôvâh Khazohpa tawhta palyupalihna na hmô nawpa châ vei,” tah ei ta.

2 THÂTIHZYRONA 32:25

Châhrasala Hezekia cha palôh laipa ta y ta, ano châta hmo phapa taopa cha phana ta pie palie leipa ta. Chavâta ano nata Zudâh nata Zerusale chô liata pathiiana vaw tlô ta.

HLAZY 15:4

A mo ta hrochhiepa chhyh thai leipa ta, Abeipa a chipa deikua a palyupalihpa; Pasana a tlôkhei theipa chhao ta a bietai khâ a patupa,

HLAZY 21:8

Na ku ta na chariahpa zydua hmô aw ta, Na ku chachâh lâta na khakhaipazy a patu aw.

HLAZY 68:1

Khazohpa cha thyu aw ta, A chariahpazy papaipa ta y aw ei ta, Ano ahaotuhpazy a hmiakô liata amâ râpai aw.

HLAZY 71:15

Ei pakah ta na siana bie chho aw ta, Na pachhana bie noh y ta a chho aw, A chhozie awpa ei pahno thai leipa chhao ta.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

AMÔSÂ 7:14

Amôsâ ta Amazia cha a chhy ta, a hnohta, “Kei he hrohsopa châ leipa na ta, hrohsopa sawchapaw chhao châ va na. Sahroh vaituhpa nata theiku kô mohôhtuhpa ei châ.

ZAWHÂNA 15:18

“Khizaw ta a châ hao khiah ei ta cha, nâmo ama châ hao hlâta, kei einâ hao tua ei tahpa pahno teh u.

ZAWHÂNA 15:23

Ahy rai kei nâ haopa cha ei Paw a haopa a châ.

RAWMA 1:18

Khazohpa a pachâ leipa nata chyhsa sia leipa zydua chô liata Khazohpa pathiiana avâ tawhta a zâ luah. Âmo cha ama sialeina vâta biehmeiseihpa a pakhâtuhpazy ama châ.

RAWMA 1:30

Chyhsa a reipachhiepa, Khazohpa a haopa, a patahsapa, a palaipa, a pahôpahâhpa, moleina khaohvâh a pahnopa, nôpaw rei a ngiah leipa,

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

EPHESI 5:11

Zohna hmotaopa a pathei beih leipazy liata a hlao leipa u la, zohna hmotaopazy cha tlao palâhâh teh u.

RYHPACHANEINA 32:41

Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.

RYHPACHANEINA 33:11

Hy Abeipa, a sôh nata piah byhnâ pie la, A ku raihria a pyh mah y; A khakhaipazy chai chhawh la, Ama thyu khao lei nawpa ta, Ano a haotuhpazy chai chhawh mah y.”

RYHPACHANEINA 5:9

Chazy cha nâ chhy awpa châ leipa ta, na chakao awpa châ vei. Kei Abeipa na Khazohpa he Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

RYHPACHANEINA 7:10

Ano a haotuhpazy deikua cha, hmiadaisâ ta viari thô ta, a pahleipadia tyh ei. Ano a haotuhpazy viari thô awpa ta hawh aw vei. Hmiadaisâ ta viari a thô aw ei.

ZÂMIE 4:4

Nâmo, apheipa saih u, khizaw viasa châpa he Khazohpa nata akhakhaina a châ tahpa pahno veih ei chi ma? Chavâta ahy rai khizaw viasa châ a khohpa maih, Khazohpa khakhaipa ta â tao tyh.

1 SAMUELA 9:9

Hlâno Izarei râh liata cha, chyhsa ta Khazohpa â saohiah khoh nahta, “A vy teh, hmôtheituhpa lâ vawh ei si,” ama tah tyh. Tanoh ta hrohsopa he hlâno ta cha hmôtheituhpa tahpa ta aw tyhpa a châ.