2 THÂTIHZYRONA 19:11 - Mara Bible RV (BSI)

¹¹ Nathlie teh u, Abeipa kyh zydua liata, theihthai beipa Amaria cha nama hyutuhpa châ ta; abei kyh zydua liata, Zudâh chi hyutuhpa Ismela sawchapawpa Zebadiah cha hyutuhpa châ ta; Livai pathlazy chhao nama hyutuhpa châpa ta ama cha chakao aw. Riahphapa ta hria u la, Abeipa cha chyhsa phapazy hnohta y mawh sy!” tah ta.

2 THÂTIHZYRONA 19:11 ပူးပေါင်းရင်းမြစ်များ

1 THÂTIHZYRONA 22:11

“Chavâta ei sawchapawpa y, Abeipa na hnohta y mawh sy. Thlaochhipa ta y lymâ la, Abeipa ta na kyh a vaw rei chhielie hapa hawhta, hlaotloh kawpa ta Abeipa na Khazohpa o cha sa mah y.

1 THÂTIHZYRONA 22:16

Ngôh, tâkâ, dawh nata thua rai a hria thaipazy hluhpi na hnei hra. Thyu la, hria teh! Abeipa na hnohta y mawh sy!” tah ta.

1 THÂTIHZYRONA 22:19

Tahmâ nama pachâna nata nama palôh cha Abeipa nama Khazohpa padona lâta pahei u la, thyu u la, Zehôvâh Khazohpa supathaihpa cha sa muh vy. Chatanachata Abeipa Biehrai Byh nata Khazohpa hmobaoh pathaihpazy cha Abeipa moh châta sapa o liata a ngiakheipa a châ aw,” tah ta.

1 THÂTIHZYRONA 26:30

Hebraw pathlazy tawhta Hâsabiah nata a unawhzy, chyhsa thatlôpa 1,700 zy cha, Zawdâh notla lâta Abeipa raihria zydua nata abei chakaona raihria kyh liata Izarei sawzy a vaotuhpa ama châ.

1 THÂTIHZYRONA 26:32

Bei Dâvi ta Zeriza nata a unawh 2,700 zy cha hyutuhpazy ta rao ta. Âmo cha chyhsa thatlôpa nata ama pho pawhrâhpazy châ ei ta, Khazohpa nata a zaopa hmo to nata abei raihria kyh zy liata Rubena chi, Kâdâ chi nata Manase chi khophie hyutuhpa châta raopazy ama châ.

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

1 THÂTIHZYRONA 6:11

Azariah ta Amaria sa ta, Amaria ta Ahitu sa ta,

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 15:7

Châhrasala nâmo la thatlôpa ta y u la, nama ku tha pachhâ khuh vy. Nama hmotaopa lymâ nama hmô aw,” tah ta.

2 THÂTIHZYRONA 19:6

Ryureituhpazy hnohta, “Nama hmotaopazy pakhâta ta pachâ u la, tao tyh muh vy. Chyhsapa châta ryu a reihpa châ leipa ei chi ta, Abeipa châta ryu a reihpa nama châ. Ryureina liata Abeipa nama hnohta â hlao lymâ.

2 THÂTIHZYRONA 19:8

Cha dei châ vei, Zehôsaphâ ta Zerusale khihpi liata Abeipa châta pachiana tao awpa nata biepeipazy paryh awpa ta Livai pathlazy nata theihthaipazy nata Izarei chhôhkha pawhrâhpazy rao ta.

EZRÂ 7:5

Buki cha Abisua sawchapawpa châ ta, Abisua cha Phinehâ sawchapawpa châ ta, Phinehâ cha Eliaza sawchapawpa châ ta, Eliaza cha theihthai beichaipa Arawna sawchapawpa a châ.

HLAZY 112:5

Chyhsa riaphapa nata a sôh dyu a pacheisapa cha, Phana ta vaoheipa châ ta, Adona ta rai a hriapa chhao, Phana ta vaoheipa a châ.

HLAZY 37:23

Chyhsa phapa phei chakâna cha Abeipa ta a chhi ta, A lâpi liata â ly kaw tyh.

BIESOZY 2:20

Chavâta lâpi phapa a chhih la, Siana lâpi liata sie mah y.

BIECHHOTUHPA 2:26

Ano a palysatuhpa cha, Khazohpa ta sona nata novâhna nata alyna pie ta, moleipa deikua cha, Khazohpa palôh a patlâhpa hnohta pie awpa lapakhyna nata pahmaohpakhyna rai a pahriasa tyh. Cha chhao cha hraoleipa châ ta, thlih a chadaipa deita a châ.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

LUKA 23:50

Chyhsa pakha, a moh Zawsi ama tahpa, ryureituh phapa nata siapa y ta.

HMOTAOPAZY 11:24

Bânabâ cha chyhsa phapa châ ta, Thlahpa Pathaihpa nata ngiapâna ta a biepa a châ. Chatanachata chyhsa hluhpi Abeipa lâ baichhapa châ ei ta.

1 KAWRINI 16:13

A vaih u la, ngiapâna liata â ipata a duahpa ta, riahphapa ta y u la, thatlôpa ta y teh u.

2 TIMAWTHY 2:1

Chavâta nâ, ei saw y, Krista Zisu liata ngiachhiena a ypa liata thatlôpa ta y mah y.

ZAWSUA 1:6

“Thatlôpa nata riahphapa ta y teh. He sahlao he ama pathlatuhpazy hnohta pie awpa ta bie ei taihpa râh cha ryu ta na patosa aw ei.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.