2 THÂTIHZYRONA 19:10 - Mara Bible RV (BSI)

¹⁰ Khihpizy liata a ypa nama chiheihzy ta thisaih palona kyh liata tlyma, ryhpa kyh liata tlyma, biepiepa kyh liata tlyma, bieraopa kyh liata tlyma, pachiana kyh liata tlyma, nama hnohta biepeipa ama vaw tlôkhei tita, Abeipa hmiakô liata thaileichâpa ta ama y lei nawpa nata nâmo nata nama chiheihzy chô liata Khazohpa pathiiana a vaw tlô lei nawpa ta, zikyu namâ râ awpa a châ. Cha hawhta tao u la, thailei châ aw veih ei chi.

2 THÂTIHZYRONA 19:10 ပူးပေါင်းရင်းမြစ်များ

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

2 THÂTIHZYRONA 19:9

Ama hnohta, “Abeipa china chôta, ngâchhihpa nata pathipalôh tlokhuh ta ryu nama reih awpa a châ.

PUASAINA 18:16

Biepeipa ama hnei tita, kei lâ a vykhei ei ta, kei ta ama likah bie cha pachiapa ei na ta, Khazohpa bieraopa nata a ryhpazy ei pahnosa tyh ei,” tah ta.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 33:6

Riahvaituhpa ta zaozi a vaw tlôpa cha hmô ta, châhrasala chiahmie a tô leipa vâta, phopi cha zikyu a râpa châ leipa ei ta, chavâta zaozi a vaw tlô tita ama hry liata chyhsa ahy rai a leidia khiahta deikua cha, cha chyhsa cha a paraona vâta a leidiapa châ ta, a thisaih maoh deikua cha riahvaituhpa ku liata ei hnaw aw.

MALUHREINA 16:46

Mawsi ta Arawna hnohta, “Ropahâhpa raona na biebuh kha la la, a chô liata maisâh liata mei kha soh la, ropahâhpa mia la, zawpi lâ a râkhei para la, âmo châta chatlaina tao teh. Abeipa tawhta hiehâhna pua ha ta, potlana â thao haw,” tah ta.

MALUHREINA 17:11

Cha hawh chata Mawsi ta tao ta, Abeipa ta bie a piepa hawh tlai ta a tao.

HMOTAOPAZY 20:31

Chavâta a hrohruapa ta y u la, kô thôh chhôh tlai bâh leipa ta, chhô nah zâ ta mothlih chhaota chyhsa to zikyu ei râ tyhpa kha a thei thlâh ha teh u.

RYHPACHANEINA 21:5

Chatawhcha Livai sawchapaw theihthaipazy hmia lâ ama vaw pua aw. Âmo cha Abeipa nama Khazohpa ta ano chakao awpa nata Abeipa moh ta byhnâ aw awpa ta a raopazy ama châ. Chavâta biepeipa nata atudaina kyhzy cha âmo pachiazie hawhta a châ aw.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.