2 THÂTIHZYRONA 18:7 - Mara Bible RV (BSI)

⁷ Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw. Keima kyh liata a phana lâta hrohsona bie reih beih vei, a chhiena lâ sai ta khâ a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

2 THÂTIHZYRONA 18:7 ပူးပေါင်းရင်းမြစ်များ

1 ABEIZY 18:17

Ahabâ ta Elaizâh a hmô nahta, a hnohta, “Nâma he ma, Izarei nôpopa ta a sohtuhpa chi cha?” tah ta.

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 19:10

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

1 ABEIZY 22:8

Izarei bei ta Zehôsaphâ hnohta, “Abeipa miah a saohiahpa awpa chyhsa pakha cha y ta, ano cha Imlâ sawchapawpa Mikai a châ. Châhrasala ano la ei hao kaw, keima kyh a phana lâta hrohsona bie reih beih vei, a chhiena lâ sai ta a reih tyhpa a châ,” tah ta. Zehôsaphâ ta, “Abei ta cha hawhta tah khah sy,” tah ta.

2 ABEIZY 9:22

Zôrâ ta Zehu a hmô nahta, a hnohta, “Zehu, phana kyh a châ ma?” tah ta. Zehu ta a chhy ta, “Na nô Zezebel sihryhna nata dyuthaina a hluh chhôh zydua cha, khâpa phana kyh ma na rei hra?” tah ta.

2 THÂTIHZYRONA 18:13

Mikai ta, “Abeipa hrona reipa ta ei reih, ei Khazohpa ta a reipa deita ei reih aw,” tah ta.

2 THÂTIHZYRONA 18:6

Châhrasala Zehôsaphâ ta, “He liana heta Abeipa hrohsopa hropa pakha chhâ eimâ saohiah via awpa y khao veih ei ma?” tah ta.

2 THÂTIHZYRONA 18:8

Izarei bei ta beimachâ pakha aw ta, a hnohta, “Imlâ sawchapawpa Mikai kha kei aw para teh,” tah ta.

HLAZY 34:21

Moleina ta moleipa cha thie aw ta, Mosiapa a haotuhpazy cha thailei pachâsapa ama châ aw.

HLAZY 55:3

Chariahpa pyu thei na ta, Moleipa ta eina moaipa vâta. Chhiena na thy thlu ei ta, Hiehâhpa ta eina taochhie ei.

HLAZY 69:14

Chiatlao lia tla awpa tawhta na pachha la, Ei chariahpazy tawhta na pachhapa ta, Ti athupa tawhta na pachha mah y.

BIESOZY 25:12

Ngôh rahy nata ngôh suapa atobina kho â chhihpa hawhta, Chyhsa sopa chhoreina chhao, Reingiahpa nakhaoh liata kho â chhih.

BIESOZY 29:10

Thisaih dâhphipazy cha chyhsa phapa a hao ei ta, Chyhsa dopazy hrona ama tei tyh.

BIESOZY 9:8

Akhotlâh kawpa chyhsa la ra hlei khah y, A châ hao pathlei aw na; Chyhsa sopa ra la, Kyh a cha pachâ aw.

ISAI 30:10

Hmôtheituhpazy hnohta, “Aluahna hmô khao khah u,” tah ei ta, Hrohsopazy hnohta, “Hmo dopa aluahna miah pahnosa khao leipa u la, Bie khochhihpazy tlao miah chhopa ta, Phichhyhpa hrohsona biezy tlao phuah teh u.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 38:4

Beimachâzy ta abei hnohta, “Eima châ haw na, he chyhsa he thiepa châ mawh sy. Cha hawhpa biezy cha reipa ta, khihpi liata a ypa pheisaihzy nata zawpi zydua ku tha a pazeisa khai ha ei. He chyhsa heta phopi pha nawpa tlua leipa ta, ama rao nawpa tlao a tlua hri,” tah ei ta.

AMÔSÂ 5:10

Thokhy chhikao liata chhoreituhpa a hao ei ta, Biedopa a reihpa ama pasi.

MIKÂ 2:7

Hy Zakaw pathlazy saih u, Cha hawhpa bie cha reih awpa a châ ma? Abeipa Thlahpa cha, A palôh a tataotahâpa a châ ma? Chazy cha ano taopa a châ ma? Âdopa ta a ypa chô liata cha, Ei biezy ta phana tao vei ma?

MÂKA 6:27

Abei ta pheisaih thlai tuah ta, Zawhâna luh vaw chei awpa ta biepie ta. Pheisaih cha vawh ta, Zawhâna luh cha patâhna o liata kei tai ta.

LUKA 6:22

“Chyhsa Sawchapawpa vâta, chyhsazy ta châ haopa ta, cha pathluapa ta, cha pasipasawhpa ta, nama moh ama cha pachhie tita, nama nohlao na!

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

KALATIA 4:16

Biedopa ei cha chhopa vâ ei ta, nama khakhaipa ei vaw châ ha ma?