2 THÂTIHZYRONA 18:31 - Mara Bible RV (BSI)

³¹ Talailih pheisaih hyutuhpazy ta Zehôsaphâ ama hmôpata nahta, “Izarei bei a châ huh,” tah ei ta. Ano cha a heihnaopa ta a dyuh ei ta. Zehôsaphâ cha awh ta, Abeipa ta bao ta, a chadaituhpazy cha Khazohpa ta a pakuasa ha ei.

2 THÂTIHZYRONA 18:31 ပူးပေါင်းရင်းမြစ်များ

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

2 THÂTIHZYRONA 13:14

Zudâh pheisaihzy cha a heih ei ta, ama hmia nata hnôh ta chariah ta ama chadô hapa hmô ei ta. Abeipa pado ei ta, theihthaipazy ta chiahmie tô ei ta.

2 THÂTIHZYRONA 13:15

Zudâh pheisaihzy cha chariah a dyuh awpa ta a pahô pahâhpa ta thata awh ei ta. Zudâh pheisaihzy ta thata ama awh nahta, Khazohpa ta Zerôbaw nata Izarei maw lâ pheisaih zydua cha Abizah nata Zudâh pheisaihzy hmiakô liata panawh ha ta.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 18:30

Aramia bei ta a talailih pheisaih hyutuhpazy hnohta, “Mochyhpa tlyma, molaipa tlyma, a dyuh leipa u la, Izarei bei deita a dyuh muh vy,” tahpa ta biepie ta.

2 THÂTIHZYRONA 18:32

Talailih pheisaih hyutuhpazy ta Izarei bei châ vei tahpa ama pahno nahta, Zehôsaphâ ama chadaipa cha kuasai ha ei ta.

2 THÂTIHZYRONA 26:7

Philistinâ mo nata Kubâlâ liata a ypa Arabia mo nata Muni mozy â dyuhna liata Khazohpa ta bao ta.

EZRÂ 1:1

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

EZRÂ 7:27

Zerusale liata Abeipa o â ngia ngaitapa ta tobi awpa ta, cha hawhpa hmo cha abei palôh liata sopa ta,

NEHEMIAH 1:11

Hy Abeipa, châ chakaotuhpa thlahchhâna lâ he na nah rie vaw pachôh mah y. Na moh china liata a lypa, châ chakaotuhpazy thlahchhâna lâ na nah vaw pachôh la, châ chakaotuhpa he tanoh hlao na patlohsa la, he chyhsa mohmô liana heta zawngiahna rie na patosa mah y,” tah na ta. Kei cha abei nyu hlâtuhpa ei châ.

HLAZY 118:13

Chariahpa ta na vaw tôh ta, Ei pao daihmâ; Châhrasala Abeipa ta eina bao.

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

HLAZY 46:1

Khazohpa cha eimâ bohna nata thatlôna châ ta, Nôpona daihti liata baotuhpa a hnia thlâh hapa a châ.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 56:10

Khazohpa cha a bie vâta reithai na ta, Abeipa cha a bie vâta reithai na ta,

HLAZY 94:17

Abeipa ta na bao vei mawh sala, Ei hro he râh sidiapa liata a pahrâ ha bâ aw.

PUASAINA 14:10

Phiraoh â vaw hnia nahta, Izarei sawzy ta kei sai ei ta, Izi mo ta âmo lâ pangaipa ta ama vaw sie haipa ama hmô nahta, chi ngaita ei ta. Izarei sawzy ta Abeipa awsao ei ta.

BIESOZY 16:7

A hroziezy ta Abeipa a palysapa chyhsa cha, A chariahpazy taihta ano nata a ryh awpa ta Abeipa ta a taopa tyh.

BIESOZY 21:1

Abei palôh cha Abeipa ku liata y ta, Vahtie ti hawhta a khona lâ maih a palosa tyh.