2 THÂTIHZYRONA 18:2 - Mara Bible RV (BSI)

² Kô khazie tlyma a châ tawhta, Samâri liata a ypa Ahabâ za tly ta. Ahabâ ta ano nata a sahlaozy cha mietaku nata viahchao tôhpa hluhpi thiepa ta, Ramôkilia khihpi a dyuh awpa ta reipasao ta.

2 THÂTIHZYRONA 18:2 ပူးပေါင်းရင်းမြစ်များ

1 ABEIZY 1:9

Adôniza cha mietakuzy, viahchao tôhpazy nata sahroh dawpa pathawhpazy ta Erôke chheipâh ta a ypa Zôhele Lô liata atheihna hlâ ta. Abei sawchapawpa a unawhpa zydua nata Zudâh râh liata beimachâ zydua hrua khai ta.

1 ABEIZY 17:7

A noh hro viapa ta, râh liata avâ rai a sua leipa vâta, vahtiepa cha kua ha ta.

1 ABEIZY 4:13

Bekebe ta Ramôkilia bia â vao. Ano heta Kilia râh liata a ypa Manase sawchapawpa Zairâ khihzy a vao ta, Bâsanâ liata a ypa, Kilia râh liata a ypazy to pâ ta, Bâsanâ râh liata Akaw bia liata thokhy nata dawh chhikao lâhrei a hneipa khihpi rônahpa sycharu â vao ei.

2 ABEIZY 9:1

Hrohsopa Elaisâh ta hrohsopa sahlao sawchapawzy hry liata pakha aw ta, a hnohta, “Na chai a saih la, he sathaw byh he na ku ta chaba la, Ramôkilia khih lâ vawh teh.

2 THÂTIHZYRONA 18:3

Izarei maw lâ râh bei Ahabâ ta Zudâh bei Zehôsaphâ hnohta, “Ramôkilia khihpi a dyuh awpa ta ei hnohta na kaw sie hra aw ma?” tah ta. Zehôsaphâ ta, “Nâ nata kei cha miakhapa châ pi ta, na chyhsazy nata ei chyhsazy chhao miakhapa ama châ. Adyuhna lâ cha na hnohta eima sie hra aw,” tah ta.

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

NEHEMIAH 13:6

Cha hawhta hmo a y nota, kei cha Zerusale liata y leipa na ta. Babylaw bei Âtazezia abeina kô sythôh nata kô nona liata, abei a hmô awpa ta ei sie chhôh a châ. Noh khazie tlyma ei y tawhta, sie heih awpa ta abei cha hiah na ta.

RYHPACHANEINA 4:43

Râhchawhpa tlâh by liata Beze khihpi cha Rubena pathlazy châta châ aw ta, Kâdâ pathlazy châta Kilia liata Ramô khihpi châ aw ta, Bâsanâ liata Kôlâ khihpi cha Manase chizy châta a châ aw.

ZAWSUA 20:8

Zawdâh haosâ Zerikô nochhi lâta Rubena chi pahrâna râhchawhpa tlâhby liata a ypa Beze khihpi, Kâdâ chi Kilia râh liata Ramô khihpi nata Manase chi Bâsanâ râh liata Kôlâ khihpizy chhao abohna khihpizy châta ama rao hra.