2 THÂTIHZYRONA 18:19 - Mara Bible RV (BSI)

¹⁹ Abeipa ta, ‘Izarei bei Ahabâ cha Ramôkilia lâ pakhysa ta, cha liata pao awpa ta ahy ma a reipasao aw?’ tah ta. Pakha ta hmo miakha reih ta, ahropa ta hmo hropa reih ta.

2 THÂTIHZYRONA 18:19 ပူးပေါင်းရင်းမြစ်များ

EZEKIA 14:9

“Hrohsopa cha dôveipa ta ypa ta, bie a reih khiahta cha, kei Abeipa ta hrohsopa cha ei dôveipa châ ta, a chô liata ei ku hy aw na ta, ei phopi Izarei hry tawhta ei pahleipadia ha aw.

ISAI 54:16

Moh teh, syudaihpa paysa na ta, Ano ta syu zie ta; Hmâ nawpazie lymâ hawhta Chaihraizy a tao tyh. Keima lilaw ta paraona rai hria awpa ta, Paraotuhpa ei tao hra.

BIESOZY 11:5

Phapakipa cha a siana ta a lâpi patlâsa ta, Moleipa deikua cha ano moleina ta a pao tyh.

ZAWBÂ 12:16

Ano liata thatlôna nata sona y ta, Dôveipa nata dôveituhpa chhao ano eih ama châ.

2 THÂTIHZYRONA 25:19

‘Edômâ ei pahnie haw,’ tah chi ta, na palôh a palaisa chi ta. Na o liata y molo thlâh ha teh. Khazia tymâna taopa ta na pao aw? Khazia Zudâh chhao na hnohta a pao aw?” tah ta.

2 THÂTIHZYRONA 25:8

Hrâ na sie awpa khiah cha sie la, a dyuh la, adyuhna châta riahphapa ta y mah y. Chataleipatala Khazohpa ta chariah hmia liata a cha panawh pathlei aw. Khazohpa cha bao theina nata panawh theina hmotaotheina a hneipa châ tlôh ta,” tah ta.

1 ABEIZY 22:20

Abeipa ta, ‘Ahabâ cha Ramôkilia lâ pakhysa ta, cha liata pao awpa ta ahy ma a reipasao aw?’ tah ta. Pakha ta hmo miakha reih ta, ahropa ta hmo hropa reih ta.

1 ABEIZY 4:13

Bekebe ta Ramôkilia bia â vao. Ano heta Kilia râh liata a ypa Manase sawchapawpa Zairâ khihzy a vao ta, Bâsanâ liata a ypa, Kilia râh liata a ypazy to pâ ta, Bâsanâ râh liata Akaw bia liata thokhy nata dawh chhikao lâhrei a hneipa khihpi rônahpa sycharu â vao ei.

2 THÂTIHZYRONA 18:18

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta amâ duapa ei hmô.

2 THÂTIHZYRONA 18:20

Chatawhcha thlahpa pakha vaw pua ta, Abeipa hmiakô liata a duah ta, ‘Kei ta ei reipasao aw,’ tah ta. Abeipa ta a hnohta, ‘Khâpa ta maw?’ tah ta.

2 THÂTIHZYRONA 18:21

Thlahpa chata, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.