2 THÂTIHZYRONA 17:9 - Mara Bible RV (BSI)

⁹ Abeipa ryhpa châbu a phaopa ta, Zudâh râh liata pachu ei ta. Zudâh khihpi zydua chahryh ei ta, zawpizy ama pachu lymâ.

2 THÂTIHZYRONA 17:9 ပူးပေါင်းရင်းမြစ်များ

2 THÂTIHZYRONA 15:3

Bohpi chhôh Izarei cha Khazoh hmeiseihpa hnei leipa ta y ta, pachutuhpa theihthaipa nata ryhpa zy hnei leipa ta a y.

2 THÂTIHZYRONA 19:8

Cha dei châ vei, Zehôsaphâ ta Zerusale khihpi liata Abeipa châta pachiana tao awpa nata biepeipazy paryh awpa ta Livai pathlazy nata theihthaipazy nata Izarei chhôhkha pawhrâhpazy rao ta.

2 THÂTIHZYRONA 35:3

Izarei saw zydua pachutuhpa nata Abeipa châta pathaihpa Livai pathlazy hnohta, “Izarei bei Dâvi sawchapawpa Sawlawmaw sapa o liata Byh pathaihpa cha soh teh u. Nama ngiatlâh ta a sy awpa byuh khao aw vei. Tahmâ he Abeipa nama Khazohpa nata a phopi Izarei sawzy cha chakao teh u.

NEHEMIAH 8:7

Zawpizy amâ duana su liata amâ dua thlâh ha nota, Livai pathlazy, Zesua, Bâni, Serebiah, Zami, Aku, Sabethai, Hôdiah, Mâsei, Kelitâ, Azariah, Zôzabâ, Hâna nata Pelai zy ta zawpizy cha Ryhpa ama pahno thei nawpa ta pachu ei ta.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MATHAI 10:23

Khihpi miakha liata ama cha taola tita, khihpi hropa lâ a râ teh u. Hmeiseihta ta ei cha chho ei, Chyhsa Sawchapawpa â vy hlâta Izarei khihpi zydua chahryh khai hmâ aw veih ei chi.

MATHAI 11:1

Zisu cha a pachupa pahrawh hleinozy bie a pie khai tawhta, ama khihpizy liata pachu awpa nata bie chho awpa ta, cha su tawhta pua ta.

ZAWHÂNA 5:39

Biehrai bie nama tlua tyh, a chhôh liata chhâzaw hrona a y tahpa nama pangiasapa vâta. Cha Biehrai tlai cha nâ pahnokheituhpa a châ.

ZAWHÂNA 5:46

Mawsi nama zo khiahta cha, kei chhao eina zo awpa ei chi a châ. Mawsi cha keima thâtih a rohpa a châpa kha.

HMOTAOPAZY 13:15

Ryhpa châbu nata hrohsopazy châbu tawhta ama rei khai nahta, pakhyna o hyutuhpazy ta âmo lâ chyhsa tuah ei ta, “Unawh saih u, zawpi châta pasyuna bie nama hnei khiahta cha, reih teh u,” tah ei ta.

HMOTAOPAZY 15:21

Mawsi ryhpa he, hlâno tawhta khi to liata phuah tyhpa châ ta, Pahânoh maihta pakhyna ozy liata rei tyhpa a châpa kha,” tah ta.

HMOTAOPAZY 28:23

A noh taih ei ta, cha noh liata a tlôna o liata chyhsa hluhpi ta vaw pangai ei ta. My tawhta zâlâ taihta âmo cha chhopasia ta, Khazohpa khinarâh a châhkheipa ta, Mawsi ryhpa nata hrohsopazy châbu liata Zisu kyh reipa ta Zuzy cha pahnie a chhuah ta.

HMOTAOPAZY 8:40

Phili cha Azôtu khih liata hmô ei ta, cha khih tawhta sie ta, Kaisarâ khih a tlôna taihta, khi to liata thâtihpha chho lymâ ta.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.