2 THÂTIHZYRONA 17:7 - Mara Bible RV (BSI)

⁷ Â beina kô thôhna liata, a beimachâzy, Benhai, Ôbadia, Zekariah, Nethane nata Mikhai zy cha Zudâh râh khihpizy liata chyhsazy pachu awpa ta tuah ta.

2 THÂTIHZYRONA 17:7 ပူးပေါင်းရင်းမြစ်များ

2 THÂTIHZYRONA 15:3

Bohpi chhôh Izarei cha Khazoh hmeiseihpa hnei leipa ta y ta, pachutuhpa theihthaipa nata ryhpa zy hnei leipa ta a y.

2 THÂTIHZYRONA 30:22

Abeipa chakaona rai liata a saomâ ngaitapa Livai pathla zydua chô liata Hezekia ta thapatlôna bie reih ta. Kyhchhi pati cha noh sari chhôh nie ei ta, aryhna hlâna atheihnazy hlâpa ta, Abeipa, ama pathlatuhpazy Khazohpa chô liata alyna bie reih ei ta.

2 THÂTIHZYRONA 35:3

Izarei saw zydua pachutuhpa nata Abeipa châta pathaihpa Livai pathlazy hnohta, “Izarei bei Dâvi sawchapawpa Sawlawmaw sapa o liata Byh pathaihpa cha soh teh u. Nama ngiatlâh ta a sy awpa byuh khao aw vei. Tahmâ he Abeipa nama Khazohpa nata a phopi Izarei sawzy cha chakao teh u.

EZRÂ 7:25

“Chatawhcha nâ, Ezrâ y, na ku liata a ypa Khazohpa sona hawhta, Chavah Haosâ lâta a ypa râh zydua pachia awpa ta, na Khazohpa ryhpa a pahnopazy cha, pachiatuhpazy nata ryureituhpazy ta na rao aw ei. Na Khazohpa ryhpa a pahno leipazy cha na pachu aw ei.

NEHEMIAH 9:3

Ama su chyu liata a duah ei ta, Abeipa ama Khazohpa Ryhpa Châbu cha dawh thôh chhôh reih ei ta, dawh thôh hropa chhôh ama moleinazy reihpha cheipa ta Abeipa ama Khazohpa a chhy ei ta.

HLAZY 34:11

Sawzy saih u, a vy u la, na nathlie teh u, Abeipa china kyh ei cha pachu aw ei.

HLAZY 51:13

Chatanachata paraotuhpazy na lâpi pachu aw ei na ta, Moleipazy nâ lâ ama vaw kua aw.

BIECHHOTUHPA 1:12

Kei, Biechhotuhpa he Izarei chô liata Zerusale liata bei châ na ta.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

THEIHTHAINA 14:42

Alô hropazy la aw ei ta, alô ama thy hapa suzy liata soh aw ei ta, beihlei hropa la aw ei ta, o cha ama pamih pathi aw.

MALUHREINA 1:8

Iskâra chi tawhta Zuâ sawchapawpa Nethane;

MATHAI 4:23

Kâlili râh zydua chahryh ta, amâ pakhyna ozy liata pachupa ta, khinarâh thâtihpha chho lymâ ta, zawpi hry liata hri to nata pasana to a hneipazy patlâh ta.

MÂKA 4:2

Pakhona bie hmâpa ta hmo hluhpi âmo cha pachu ta. A pachu lymâna liata ama hnohta,

HMOTAOPAZY 1:1

Hy Theôphilâ y, châbu hmiatuapa liana khata, Zisu hmotaopa nata a pachu pathaona tawhta roh na ta,

RYHPACHANEINA 33:10

Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.