2 THÂTIHZYRONA 17:5 - Mara Bible RV (BSI)

⁵ Chavâta Abeipa ta a ku liata khinarâh pa-i ta. Zudâh râh chyhsa zydua ta Zehôsaphâ cha kuhria vaw pie ei ta. Chatanachata thata vaw hneirôh ta, zachhihna chhao thata a hlao.

2 THÂTIHZYRONA 17:5 ပူးပေါင်းရင်းမြစ်များ

ÂTHAONA 13:2

Abarâ cha sahrohzy, tâkâzy, ngôhzy ta hneirôh ngaita ta.

1 ABEIZY 10:25

A pangaipa maihta kuhriazy phaopa tyh ei ta, tâkâ nata ngôh hmobaohzy, chysiazy, myrâzy, ia-ôzy, arâzy, sabaituzy kô chareih ta ama vaw phaopa tyh.

1 ABEIZY 10:27

Abei ta tâkâ cha alô hawhta pachâna taihta Zerusale liata pachô ta, sidy tho chhao Sephelâ liata theiku tho hawhta hluhpa ta a pachô.

1 ABEIZY 4:21

Sawlawmaw cha Ufrâti tawhta Philistinâ râh nata Izi râhri taihta râh zydua chô liata ryureih ta. Ano lâ râhpawzy pie ei ta, a hro chhôh zydua ta Sawlawmaw cha ama chakao lymâ.

2 THÂTIHZYRONA 1:15

Abei ta tâkâ nata ngôh cha, alô hawhta pachâna taihta Zerusale liata pachô ta. Sidy tho chhao Sephelâ liata theiku tho hawhta hluhpa ta a pachô.

2 THÂTIHZYRONA 18:1

Zehôsaphâ cha thata vaw hneirôh ta, palyupalihna chhao thata hlao ta. Nôvah ahneina lâ tawhta Ahabâ nata azaokhina tao ta.

2 THÂTIHZYRONA 32:23

Chyhsa hluhpi ta Abeipa châta Zerusale lâ hmopiepazy vaw cheih ei ta, Zudâh bei Hezekia châta hmo sôhpazy vaw cheih hra ei ta, cha daihti tawhta cha, phopi zydua mohmô liata cheihchalopa ta a y haw.

2 THÂTIHZYRONA 9:27

Abei ta tâkâ cha alô hawhta pachâna taihta Zerusale liata pachô ta, sidy tho chhao Sephelâ liata theiku tho hawhta hluhpa ta a pachô.

ZAWBÂ 42:12

Abeipa ta Zawbâ cha, a daihti hmiatuapa hlâta a daihti hnôhlâ liata byhnâ thata pie via ta, mietaku 14,000, râraoseihpa 6,000, viahchao tôhpa bao 1,000 nata alâ panô 1,000 a hnei.

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 132:12

Na sawzy ta ei biehrai zyhpa ta, Âmo ei pachu awpa ei bieraopazy ama zyh khiahta cha, Ama sawzy chhâzaw ta na beidyuchhai liata amâ tyuh lymâ aw.”

HLAZY 68:29

Zerusale liata nâma Achhyna o vâta, Beizy ta kuhriazy ama cha vaw cheipa aw.

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

HLAZY 76:11

Abeipa nama Khazohpa liata biezy a taih u la, Nama bietaizy cha patlô muh vy; Chi awpa lâna chata a chheipâh râhzy ta, Hmosaipiepazy vaw cheih mawh ei sy.

BIESOZY 16:12

Beidyuchhai cha siana ta paduapa a châpa vâta, Hmo pha leipa taopa cha beizy châta pasichhihpa a châ.

MATHAI 2:11

O chhôh lâ a ngia ei ta, hawsaih cha a nô Mâri hnohta hmô ei ta, a bôhpa ta a naoh ei ta. Ama ryubyhzy pahy ei ta, hmosaipa ngôh, deiryh nata myrâ zy pie ei ta.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 SAMUELA 10:27

Châhrasala chyhsa dyutlaileipa thokhazy ta, “He chyhsa heta kheihta ma miah a pachha thei aw tly?” tah ei ta, ano cha khâpasaw ta reih leipa ei ta, hmosaipa chhao pie khoh veih ei. Châhrasala Sawla cha a thlih thlâh ha ta.