2 THÂTIHZYRONA 17:3 - Mara Bible RV (BSI)

³ Zehôsaphâ cha a pathlatuhpa Dâvi lâpi â chhih hrapa vâta, a hnohta Abeipa y ta. Bâlâ khazohzy tlua leipa ta,

2 THÂTIHZYRONA 17:3 ပူးပေါင်းရင်းမြစ်များ

ÂTHAONA 39:21

Châhrasala Abeipa cha Zawsi hnohta y ta, a ngiachhiena patosa ta, patâhna o vaituhpa modypa ta tao ta.

2 SAMUELA 5:10

Dâvi cha Zehôvâh, Pheisaihzy Khazohpa ta a hnohta a ypa vâta rônah via lymâ ta.

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

1 ABEIZY 11:6

Chavâta Sawlawmaw cha Abeipa mohmô liata hmo pha leipa tao ta, a paw Dâvi taozie hawhta, Abeipa cha tlokhuh ta pazi vei.

1 ABEIZY 22:43

A paw Âsâ lâpi a chhihpa zydua a chhih hra ta. Lâpi tleisai cheita leipa ta, Abeipa mohmô liata hmo dopa tao ta. Su sâhpazy deikua cha paraopa châ leipa ta, Izarei phopi ta su sâhpazy liata atheihnazy hlâ ei ta, ropahâhpazy ama rao thlâh ha chy.

1 ABEIZY 3:3

Sawlawmaw cha Abeipa kyhpachâpa ta, a paw Dâvi bieraopazy zyh ta. Atheihna nata hmohlâpazy deikua cha su sâhpazy liata a tao tyh.

2 ABEIZY 14:3

Abeipa mohmô liata hmo dopa tao ta, a pathlatuhpa Dâvi deikua a tlu vei. A paw Zôasâ hmotaopa maih tao hra ta.

2 ABEIZY 16:2

Ahâza cha kô kihpa a châ nota a bei pathao ta, Zerusale liata kô hrawh hleicharu â bei. A pathlatuhpa Dâvi ta Abeipa mohmô liata hmo dopa a taopa hawhta tao leipa ta,

2 ABEIZY 18:3

A pathlatuhpa Dâvi taozie zydua hawhta, Abeipa mohmô liata hmo dopa tao ta.

2 ABEIZY 22:2

A pathlatuhpa Dâvi lâpi zydua a chhihpa ta, Abeipa mohmô liata hmo dopa tao tyh ta, chachâh lâ tlyma, chavei lâ tlyma tlei beih vei.

1 THÂTIHZYRONA 22:18

“Abeipa nama Khazohpa nama hnohta y vei ma? Su to liata apahâna cha pi ha veih ei ma? He râh liata a pahrâpazy cha Abeipa ta ei ku liata na pie ta, Abeipa nata a phopi hmiakô liata ama râh cha panawhpa ta a y haw.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 17:2

Zudâh râh liata thokhy hneipa khihpi zydua liata pheisaihzy soh ta, Zudâh râh nata a paw Âsâ ta a vaw lapa Epharai râh khihpizy liata pheisaih yna suzy padua ta.

2 THÂTIHZYRONA 17:4

a pathlatuhpa Khazohpa tluapa ta, a biepiepazy zyh ta, Izarei maw lâ râh taozie hawhta tao hra vei.

2 THÂTIHZYRONA 20:32

A paw Âsâ lâpi a chhihpa zydua a chhih hra ta. Lâpi tleisai cheita leipa ta, Abeipa mohmô liata hmo dopa tao ta.

2 THÂTIHZYRONA 21:12

Hrohsopa Elaizâh tawhta ano lâ châpaphaopa vaw tlô ta, a hnohta, “Châ pathlatuhpa Dâvi Khazohpa Abeipa ta hetana heta a tah, ‘Na paw Zehôsaphâ lâpizy a chhih leipa chi ta, Zudâh bei Âsâ lâpizy chhao a chhih leipa chi ta,

2 THÂTIHZYRONA 22:9

Ahazia cha tlua ta, Samâri liata â nyuna su liata patu ei ta, Zehu lâ a vaw chhi ei ta, a thie haw. “A pathipalôh tlokhuh ta Abeipa a tlua tyhpa Zehôsaphâ samohpa cha tlôh ta,” tah ei ta, a ri deikua cha ama pabu. Chatanachata khinarâh liata ryu a reih thei awpa chyhsa Ahazia pathla tawhta pakha hmah y khao veih ei.

2 THÂTIHZYRONA 27:6

Zôthâ cha Abeipa a Khazohpa hmiakô liata a lâpizy pakhâta ta a mohpa vâta, a thatlô via lymâ ta.

2 THÂTIHZYRONA 29:2

A pathlatuhpa Dâvi taozie zydua hawhta, Abeipa mohmô liata hmo dopa tao ta.

2 THÂTIHZYRONA 34:2

A pathlatuhpa Dâvi lâpizy a chhihpa ta, Abeipa mohmô liata hmo dopa tao tyh ta, chachâh lâ tlyma, chavei lâ tlyma tlei beih vei.

HLAZY 46:11

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

HLAZY 46:7

Pheisaihzy Abeipa eima hnohta y ta, Zakaw Khazohpa cha eimâ bohna thokhy a châ. Selah

PUASAINA 3:12

Khazohpa ta, “Na hnohta ei y aw. Keima tuapa tlai na châ tahpa, he he nâma châta ngiana a châ aw: Izi râh tawhta phopi na kaw puakhei ti ei ta, he tlâh liana tlai heta Khazohpa nama chakao aw,” tah ta.

PUASAINA 4:12

Chavâta tahmâ sie teh, na pakah liata y aw na ta, na rei awpa ei cha pachu lymâ aw,” tah ta.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 8:10

Pachânazy cha reih pahmaoh teh u, Châhrasala khâpa hmah châ aw vei; Bie cha reih teh u, Châhrasala a duah aw vei, Khazohpa eima hnohta a ypa vâta.

ZEREMIAH 2:23

Kheihta ma, “Pathaih leipa châ va na, Bâlâ chhao pazi beih va na,” na tah thei tly? Saikao liata na yzie kha moh la, Na hmotaopa kha pachâ tua: Râraoseihpa zeinô paw khohpa hawhta, Hao lâ he lâ a râhreih chi ta,

MATHAI 1:23

“Pachâ teh u, laihsa kôpa ta saw phaoh aw ta, Sawchapawpa sa aw ta, A moh Imanuel ama bi aw,” tahpa ta a reipa kha â ki thei nawpa ta a vaw tlôpa a châ. Imanuel cha “Khazohpa eima hnohta a y,” tahna a châ.

MATHAI 18:20

Pano tlyma, pathôh tlyma, ei moh ta amâ hmaohna maihta ama hry liata ei y tyh,” tah ta.

MATHAI 25:16

Talent miapangawh a vaotuhpa cha thlai sie ta, talent â vaopazy hmâpa ta sôh palie ta, talent miapangawh hropa papôhsa ta.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

2 TIMAWTHY 4:22

Abeipa cha na thlahpa hnohta y mawh sy. Ngiachhiena nama hnohta y mawh sy.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

ZAWSUA 1:9

Bie cha pie va na mâ? Thatlôpa nata riahphapa ta y teh. Chi leipa la, ngiarohpa ta y hra kha. Abeipa na Khazohpa cha na siena maihta na hnohta a y lymâ aw,” tah ta.

RYUREITUHPAZY 2:11

Izarei sawzy ta Abeipa mohmô liata moleina hmo taopa ta, Bâlâ khazohzy a chhy pathao ei ta.

RYUREITUHPAZY 2:18

Abeipa ta ama châta ryureituhpazy a paduana daihti maihta, Abeipa cha ryureituhpa hnohta y ta, ryureituhpa hro chhôh zydua cha, Abeipa ta ama chariahzy ku tawhta a pachha lymâ tyh ei. Ama chariahzy ta tlybai ei ta, rie ama patheipa vâta, amâ hrôna ao ta Abeipa cha ngiachhiena a pahneisa heih tyh.

RYUREITUHPAZY 6:12

Abeipa vâlyuhchâpa a hnohta a vaw luah ta, a hnohta, “Nâ, chyhsa thatlôpa nata riahphapa y, Abeipa na hnohta a y,” tah ta.

RYUREITUHPAZY 8:33

Kidia a thipa nahta, Izarei sawzy ta Abeipa cha tleisai heih ei ta. Bâlâzy liata sihryhpa ta, Bâlâberi cha ama khazoh ta tao ei ta.

1 SAMUELA 18:12

Abeipa ta Sawla siesai ha ta, Dâvi deikua cha a ypâpa vâta, Sawla ta Dâvi cha chi kaw ta.

1 SAMUELA 18:14

Abeipa a hnohta a ypa vâta, Dâvi cha a hmotaopa maih liata hlaotlohna hmô lymâ ta.

1 SAMUELA 18:5

Sawla ta a tuana lâ maih Dâvi cha sie ta, a hlao a tloh lymâ tyh. Chavâta Sawla ta Dâvi cha pheisaih hyutuhpa ta tao ta. Cha cha chyhsa zydua pachâna liata nata Sawla chakaotuhpazy pachâna liata chhao pha tah ngaita ei ta.