2 THÂTIHZYRONA 16:7 - Mara Bible RV (BSI)

⁷ Cha nota hrohsopa Hânani cha Zudâh bei Âsâ la a vy ta, a hnohta, “Abeipa na Khazohpa liata a pahnieh leipa chi ta, Aramia bei liata nâ pahniehpa vâta, Aramia bei pheisaihzy na ku tawhta ama pua haw.

2 THÂTIHZYRONA 16:7 ပူးပေါင်းရင်းမြစ်များ

1 ABEIZY 15:19

“Ei paw nata na paw likah liata biehrai a ypa hawhna khata, keima nata nâma likah liata chhao biehrai tao sih y. Moh teh, tâkâ nata ngôh kuhriazy ei cha kaw paphao hih. Izarei bei Bâsâ ta ei nâ sysai thei nawpa ta, vawh la, a hnohta biehrai na taopa kha kei parao teh,” tah ta.

1 ABEIZY 16:1

Bâsâ kyh liata Hânani sawchapawpa Zehu hnohta Abeipa bie vaw tlô ta,

1 ABEIZY 16:7

Bâsâ cha Abeipa mohmô ta moleina hmozy tao ta, a hmotaopazy chata Abeipa pathi pa-ia ta, Zerôbaw chhôhkha lyupa ta, Zerôbaw chhôhkha cheingei chhao cha a pahleipadiapa vâ ei ta, Bâsâ nata a pathlazy kyh liata, Hânani sawchapawpa hrohsopa Zehu hmâpa ta Abeipa bie kha a vaw tlôpa a châ.

2 ABEIZY 18:5

Hezekia cha Abeipa, Izarei Khazohpa ngâ ta, ano daihti hlâta Zudâh beizy hry liata ano hawhpa y leipa ei ta, ano khai tawh chhao ta y khao veih ei.

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

2 THÂTIHZYRONA 13:18

Cha daihti liata Izarei maw lâ pheisaihzy cha panawhpa ta y ei ta, Zudâh pheisaihzy deikua cha, ama pathlatuhpazy Khazohpa Abeipa liata amâ pahniehpa vâta, pahniena patosapa ama châ.

2 THÂTIHZYRONA 14:11

Âsâ cha Abeipa a Khazohpa pado ta, “Hy Abeipa, thatlôpa ku tawhta chiehleipa a pachha thei awpa cha, nâ leipa ta ahy hmah y veih ei. Hy Abeipa eima Khazohpa y, rie miah bao mah y. Nâma a ngâchhâpa ta, na moh ta he pheisaih hluh ngaitapa he eimâ vaw dyuh. Hy Abeipa y, nâ cha eima Khazohpa châ chi ta, chyhsapa ta cha pahnie khah sy,” tah ta.

2 THÂTIHZYRONA 16:6

Chatawhcha Bei Âsâ ta Zudâh mo zydua a chhi ta, Bâsâ ta Râmâ khihpi padua nawpa ta a hmâpa lô nata tho zy paly ei ta, chazy hmâpa ta Kebâ nata Mizpâ khihpizy padua ta.

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

2 THÂTIHZYRONA 20:32

A paw Âsâ lâpi a chhihpa zydua a chhih hra ta. Lâpi tleisai cheita leipa ta, Abeipa mohmô liata hmo dopa tao ta.

2 THÂTIHZYRONA 20:34

Zehôsaphâ thâtih hropazy cha, âthaona tawhta achhâna taihta, Hânani sawchapawpa Zehu châbu liata ropa châ ta, chazy cha Izarei beizy thâtih rona châbu liata ropa a châ.

2 THÂTIHZYRONA 24:24

Aramia pheisaihzy cha maluh chyhta vaw sie ei ta, châhrasala Zudâh pathlazy ta Abeipa, ama pathlatuhpazy Khazohpa amâ heihsai hapa vâta, Abeipa ta Zudâh pheisaih hluh ngaitapa cha Aramia mo ku liata a pie ha ei. Cha hawhna chata Zôasâ chô liata hriena ama patlôsa haw.

ISAI 31:1

Baona hia awpa ta Izi râh lâ zu ta, Arâzy liata a pahniehpazy cha, Ama hu a po na! Izarei Mo Pathaihpa lâ moh leipa ei ta, Abeipa a saohiah hra veih ei; Talailih hluhpi hneina liata ama ngâna tlao pahnieh ei ta, Arâ pheisaih thatlôpazy liata tlao amâ pahnieh.

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 39:3

Chatawhcha hrohsopa Isai cha Bei Hezekia lâ vawh ta, a hnohta, “Kha chyhsazy kha khâpa bie ma ama reih? Khataih tawhta nâ lâ a vypa ma ama châ?” tah ta. Hezekia ta, “Râh hla ngaitapa, Babylaw râh tawhta kei lâ a vypa ama châ,” tah ta.