2 THÂTIHZYRONA 16:6 - Mara Bible RV (BSI)

⁶ Chatawhcha Bei Âsâ ta Zudâh mo zydua a chhi ta, Bâsâ ta Râmâ khihpi padua nawpa ta a hmâpa lô nata tho zy paly ei ta, chazy hmâpa ta Kebâ nata Mizpâ khihpizy padua ta.

2 THÂTIHZYRONA 16:6 ပူးပေါင်းရင်းမြစ်များ

1 ABEIZY 15:16

Âsâ nata Izarei bei Bâsâ cha amâ bei chhôh zydua ta ama likah liata adyuhna y ta.

1 ABEIZY 15:22

Chatawhcha Bei Âsâ ta Zudâh mo zydua hnohta bie papua ta, ahy hmahta paeipa y leipa ei ta, Bâsâ ta Râmâ khihpi padua nawpa ta a hmâpa lô nata tho zy paly ei ta, chazy hmâpa ta Bei Âsâ ta Mizpâ khihpi nata Benzami râh liata Kebâ khihpi zy a padua.

1 THÂTIHZYRONA 6:60

Benzami chi râh tawhta Kibiô khihpi, Kebâ khihpi nata a chheipâh si panyuna suzy, Aleme khihpi nata a chheipâh si panyuna suzy nata Anathô khihpi nata a chheipâh si panyuna suzy piepa ama châ. Arawna pathla phozy châta khihpi piepa zydua cha khi hrawh hleithôh a châ.

2 THÂTIHZYRONA 16:5

Cha thâtih cha Bâsâ ta a thei nahta, Râmâ khihpi a padua haipa cha a chalihsai ta, a raihria cha pachhâsa ta.

2 THÂTIHZYRONA 16:7

Cha nota hrohsopa Hânani cha Zudâh bei Âsâ la a vy ta, a hnohta, “Abeipa na Khazohpa liata a pahnieh leipa chi ta, Aramia bei liata nâ pahniehpa vâta, Aramia bei pheisaihzy na ku tawhta ama pua haw.

2 THÂTIHZYRONA 21:17

Zudâh kaw siehnaopa ta chho ei ta, abei o liata hmo zydua la ei ta, a sawchapawzy nata a lapinôzy chhao amâ chhi khai haw. A sawchapaw seihnaipa Zehôahâ tah leipa ta cha pakha hmah pahlôh leipa ta amâ chhi khai haw.

ISAI 10:29

Lytlâh khôna su liata khô ei ta, Kebâ khih liata amâ rie. Râmâ khihsawzy a chalyu ei ta, Sawla Kibia mo amâ râpai haw.

ZEREMIAH 40:6

Zeremiah cha Ahikâ sawchapawpa Kedaliah yna Mizpâ lâ sie ta, râh liata siesaipa râhsawzy hry liata a hnohta pahrâ ha ta.

ZEKARIA 14:10

Râh zydua cha Kebâ tawhta Zerusale chho lâta a ypa Rimô taihta paby khaipa a châ aw. Zerusale deikua cha, Benzami Chhikao tawhta chhikao hmiatuapa Achaki Chhikao taihta nata Hânane Osâhpa tawhta bei kresawhti saohna taihta, a y tyhna su liata pasâhpa a châ aw.

ZAWSUA 15:38

Dilia, Mizpeh, Zôthelâ,

1 SAMUELA 10:17

Samuela ta Izarei phopi cha Mizpâ liata Abeipa lâta awpakhy ta.

1 SAMUELA 7:16

Kô chareih ta Bethel, Kilkal nata Mizpâ zy chahlô ta, cha su zydua liana chata Izarei chô liata ryureih ta.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.