2 THÂTIHZYRONA 16:4 - Mara Bible RV (BSI)

⁴ Benhadâ ta Bei Âsâ pahruana cha a pha tah ta, Izarei khihpizy a dyuh awpa ta pheisaih hyutuhpazy tuah ta. Chatanachata Izô, Dânâ, Abelamai nata Nâthalai râh liata hmobaoh sona khihpi zydua pahnie ta.

2 THÂTIHZYRONA 16:4 ပူးပေါင်းရင်းမြစ်များ

ÂTHAONA 14:14

Abarâ cha a unawhpa sei ta amâ chhipa thâtih a theipa nahta, a o liata a pihpa, chariah a dyuhna thaipa chyhsa 318 a chhi ta, Dânâ khih taihta a chadai ta.

1 ABEIZY 15:20

Benhadâ ta Bei Âsâ pahruana cha a pha tah ta, Izarei khihpizy a dyuh awpa ta pheisaih hyutuhpazy tuah ta, chatanachata Izô, Dânâ, Abebemâkâ nata Chinerô khihpizy nata Nâthalai râh zydua pahnie ta.

1 ABEIZY 9:19

Hmo sopakhyna khihpi a hneipa zydua, a talailihzy sona khihpizy, a arâ pheisaih khihpizy nata a padua khohpa maih cha, Zerusale khihpi liata nata Lebanaw liata nata a khinarâh chhôh zydua liata Sawlawmaw ta a padua lymâ.

2 ABEIZY 16:9

Asuria bei ta a bie reipa cha a vaw pyh ta. Chatanachata Asuria bei ta Dâmaskâ khihpi cha siehnao ta, la ta, a chyhsazy cha Kiri lâ sei ta a chhi ta, Rezi cha a thie haw.

2 THÂTIHZYRONA 16:3

“Ei paw nata na paw likah liata biehrai a ypa hawhta, nâma nata keima likah liata chhao biehrai y ta. Moh teh, tâkâ nata ngôh ei cha kaw paphao hih. Izarei bei Bâsâ ta einâ sysai thei nawpa ta, vawh la, a hnohta biehrai na taopa kha kei parao teh,” tah ta.

2 THÂTIHZYRONA 16:5

Cha thâtih cha Bâsâ ta a thei nahta, Râmâ khihpi a padua haipa cha a chalihsai ta, a raihria cha pachhâsa ta.

2 THÂTIHZYRONA 17:12

Zehôsaphâ cha rônah via lymâ ta. Thokhy khihpizy nata hmobaoh sona khihpizy Zudâh râh liata padua ta.

2 THÂTIHZYRONA 8:6

Bâlathâ khihpi, Sawlawmaw hneipa hmobaoh sona khihpi zydua, a talailihzy sona khihpizy nata a arâ pheisaihzy yna khihpizy padua ta, Zerusale, Lebanaw nata a ryureina râh chhôh zydua liata khihpi a padua khona maih liata Sawlawmaw ta a padua lymâ.

PUASAINA 1:11

Chavâta ama phao thata pahri ta, ama rie pathei awpa ta, raihria hyutuhpazy âmo châta rao ei ta. Pithô nata Râmese khihpizy cha Phiraoh châta Sawvâ khihpi ta padua ei ta.

ISAI 9:1

Châhrasala thlazohpa ta a ypa châta zohmyh a ti khâh khao aw vei. Hlâno ta cha Zebulawna nata Nâthalai râh cha râh zachhih leipa ta tao ta, châhrasala hnôhlâ ta tilaipi pangaina Zawdâh haosâ lâta a ypa phopizy Kâlili râh cha, râh rônahpa ta a tao haw.

1 TIMAWTHY 6:10

Tâkâ sôh kyh liata karâyna cha moleina to thabypa a châ. Thokha sôh tlaichhaina vâta ngiapâna paviasai ei ta, pachârôhna hluhpi taopa ta, âmosasyh amâ pasasa tyh.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

RYUREITUHPAZY 20:1

Izarei saw zydua, Dânâ tawhta Besebâ taihta, Kilia râh chhao a hlaopa ta pua ei ta, reih kha tlapa ta Mizpâ khih liata Abeipa hmiakô ta a hmaoh ei ta.