2 THÂTIHZYRONA 16:14 - Mara Bible RV (BSI)

¹⁴ Dâvi khihpi liata ano châta thlâ â taopa liata pabu ei ta. Ropahâhpa taotuhpazy ta ia-ô chi to tawhta ama taopa ropahâhpa to ta a biepa rakhô liata pazia ei ta, ano palyupalihna châta mei thata patih ei ta.

2 THÂTIHZYRONA 16:14 ပူးပေါင်းရင်းမြစ်များ

ÂTHAONA 50:2

Zawsi ta a chakaotuhpa dawhtyzy hnohta a paw ri cha thu thei leipa ta tao awpa ta biepie ta. Dawhtyzy ta Izarei ri cha thu thei leipa ta tao ei ta.

ÂTHAONA 50:5

Ei paw ta ei hnohta, ‘Pachâ teh, thi daihmâ ha na ta, Kâna râh liata thlâ ei chao chiehpa liata, cha lia tlai ta na pabu mah y,’ tahpa ta bie na pataihsa ha ta. Chavâta ngiachhiepa ta khy aw sah la, ei paw cha kaw pabu aw na ta, ei zâ lie heih aw,” tah ta.

2 SAMUELA 2:32

Asahe ri cha la ei ta, Bethlehe liata a paw thlâ liata pabu ei ta. Zôabâ nata a pheisaihzy cha azozâkhihdei sie ei ta, Hebraw ama tlô nahta khihdei ha ta.

2 THÂTIHZYRONA 16:13

Âsâ cha kô sypalih nata kô kha â bei kô ta thi ta, a pathlatuhpazy hnohta â mô haw.

2 THÂTIHZYRONA 21:19

Pochhih lymâ ta, kô no po a chhi khai tawhta, a pasana vâta a rihzy tla ta, riethei ngaitapa ta thi ha ta. A chyhsazy ta ano zana mei a paw châta ama patipa hawhta patipa veih ei.

2 THÂTIHZYRONA 32:33

Hezekia cha a pathlatuhpazy hnohta a mô ta, Dâvi sawchapawzy thlâsu machhua lâta ama pabu. Zudâh râhsaw zydua nata Zerusale khihsaw zydua ta a thi noh ta rônah ngaitapa ta ama palyupalih. A sawchapawpa Manase ta ano su liata â bei.

2 THÂTIHZYRONA 35:24

A chakaotuhpazy ta talailih tawhta la ei ta, ano talailih hropa liata soh ei ta, Zerusale lâ siekhei ei ta. Bei Zôsia cha thi ta, a pathlatuhpazy thlâsu liata pabu ei ta. Zudâh nata Zerusale mo zydua ta Zôsia mâchhie sa ei ta.

BIECHHOTUHPA 10:1

Mathyu thipa thu roh ta ropahâhpa roh a pahleipa hawhta, Bâhta hruna ta sona nata zachhihna a pahlei thei.

ISAI 22:16

Nâ, su sâhpa liata thlâ khaoh khiepa ta, lôpanô liata na châta yna khaoh a reipa chi cha, khâpa vâta ma he liata na châta thlâ khaoh na khie tly? He liata tao awpa khâpa ma na hnei tly? He liata na chyhsa ahy ma a y tly?

ZEREMIAH 34:5

Thlalôhpa ta na thi aw. Châ pathlatuhpa bei tuapazy châta ropahâhpa ama raopa hawhna khata, nâ chhao cha raopa hra aw ei ta, chaphôh cha tupa aw ei ta, ‘Hy zibeipa, cha rimâ cha!’ ama tah aw. Bie ei reih haw, Abeipa ta a tah.”

MÂKA 16:1

Pahânoh a chhâ nahta, Mâri Mâdali, Zâmie nô Mâri nata Salawmi zy cha, Zisu sathawthu awpa ta ropahâhpa chalei ei ta.

1 SAMUELA 31:12

pasaipha zydua thyu ei ta, azozâkhihdei ta sie ei ta, Besâ thokhy liata ama chahry pâpa Sawla ri nata a sawchapawzy ri cha la ei ta, Zabe vaw tlôkhei ei ta, cha liata rao ei ta.